(ភ្នំពេញ)៖ នៅព្រឹកថ្ងៃទី២៥ ខែឧសភា ឆ្នាំ២០១៨ អាវុធហត្ថរាជធានីភ្នំពេញ បានបញ្ជូនមន្រ្តីយោធានៅអង្គភាព «ង៧០» ទៅកាន់សាលាដំបូងរាជធានីភ្នំពេញ ដើម្បីចាត់ការតាមច្បាប់ពាក់ព័ន្ធករណី បាញ់បោះសេរី។

សូមបញ្ជាក់ថា លោកនាយចំណង់​ ធុន​ រាជ​ នាយទាហានរង​នៅ​អង្គភាពកងពលតូចលេខ៧០​ ដែលបានបាញ់បោះសេរី បានចូលសារភាពនៅបញ្ជាការដ្ឋានអាវុធហត្ថ រាជធានីភ្នំពេញនៅយប់ថ្ងៃទី២២​ ខែ​ឧសភា​ ឆ្នាំ​២០១៨​ ។​

ឧត្ដមសេនីយ៍ឯក​ ម៉ៅ​ សុផាន់​ នាយរងសេនាធិការចម្រុះ​ និង​ជា​មេបញ្ជាការកងពលតូចលេខ​៧០​បានឲ្យអង្គភាពព័ត៌មាន Fresh News ដឹងថា​ បន្ទាប់ពីបានទទួលព័ត៌មានថា មាន​ទាហាននៅអង្គភាព​ «ង​៧០»​ បាញ់បោះសេរីនៅសង្កាត់ទន្លេបាសាក់កាលពីយប់ថ្ងៃទី​២១​ ខែ​ឧសភា​ ឆ្នាំ​ ២០១៨​ លោកឧត្ដមសេនីយ៍ បានបញ្ជាឲ្យអង្គភាព​ស្រាវជ្រាវ និងបានឲ្យចូលខ្លួនសារភាពចំពោះសមត្ថកិច្ច អាវុធហត្ថរាជធានីដើម្បីចាត់ការតាមនិតិវិធី​។​

ឧត្ដមសេនីយ៍ឯក​ ម៉ៅ​ សុផាន់​ បាន​បញ្ជាក់ថា​ ក្នុងនាមលោកជាមេបញ្ជាការកងពល​ ​មិនគាំទ្រចំពោះទង្វើល្មើសច្បាប់របស់កងកម្លាំងក្រោមឱវាទទេ​៕