(បន្ទាយមានជ័យ)៖ លោក ម៉ក សុផល អគ្គនាយករង នៃធនាគារអភិវឌ្ឍន៍ជនបទ រួមជាលោកឧកញ៉ា ភូ ពុយ អគ្គនាយកក្រុមហ៊ុនធនាគារ​ស្រូវ រួមទាំង​មន្ដ្រីពាក់ព័ន្ធជាច្រើនរូបទៀត នៅថ្ងៃទី១០ ខែឧសភា ឆ្នាំ២០១៨នេះ បានចុះរៀបចំ និងពង្រីកសហគមន៍កសិកម្ម និងផ្សព្វផ្សាយ​ពីគោល​ការណ៍ឥណទាន របស់ធនាគារអភិវឌ្ឍន៍ជនបទ ជូនប្រជាកសិកររស់ នៅក្នុងខេត្តបន្ទាយមានជ័យ។

ការចុះផ្សព្វផ្សាយរបស់លោក ម៉ក សុផល នេះធ្វើឡើងបន្ទាប់ពីមានការណែនាំពីលោក កៅ ថាច អគ្គនាយក ធនាគារអភិវឌ្ឍន៍ជនបទ។

ការចុះផ្សព្វផ្សាយ​នេះ មានការចូលរួមពីប្រជាពលរដ្ឋ ដែលជាសមាជិកសហគមន៍ទីផ្សារស្រូវមកពីឃុំរហាត់ទឹក ឃុំគោកបាឡាំង ឃុំសំបួសមាស ស្រុកមង្គលបុរី ខេត្ត​បន្ទាយមានជ័យ ក្នុងនោះក៏មានសមាសភាព អ្នកចូលរួមប្រមាណ៥០នាក់ រួមមានមេឃុំ មេភូមិ ដែលជាប្រធាន អនុប្រធាន និងជាសមាជិក​នៃសហគមន៍​ទីផ្សារស្រូវក្នុងឃុំនីមួយៗ៕