(កំពត)​៖ កម្លាំងនគរបាលជំនាញស្រុកជុំគីរី សហការជាមួយកម្លាំងនគរបាលជំនាញខេត្ត បានចុះបង្ក្រាបករណី​ចែកចាយ និងប្រើប្រាស់គ្រឿងញៀន ឈានទៅឃាត់ខ្លួនជនសង្ស័យ​៦នាក់ ​ដកហូតថ្នាំញៀន​១១កញ្ចប់​ នៅថ្ងៃទី០៣ ខែឧសភា ឆ្នាំ២០១៧ ស្ថិតក្នុង​ភូមិព្រៃឃ្លៃ ឃុំស្រែចែង ស្រុកជុំគីរី។

មន្ត្រីនគរបាលជំនាញគ្រឿងញៀនខេត្ត បាន​ឲ្យដឹងថា ជនសង្ស័យទាំង០៦នាក់ រួមមាន៖ ទី១៖ឈ្មោះ មុត កុយ អាយុ៣២ឆ្នាំ, ទី២៖ឈ្មោះ ស៊ីម ពិឈិ​ អាយុ១៦ឆ្នាំ, ទី៣៖ឈ្មោះ ម៉ាន់ ចាន់ថា អាយុ៣១ឆ្នាំ, ទី៤៖ឈ្មោះ នាង ប៊ុនសំរ៉ុង ​អាយុ០៩ឆ្នាំ, ទី៥៖ឈ្មោះ នូ សុគន្ធា ភេទស្រី អាយុ២៩ឆ្នាំ និងទី៦៖ឈ្មោះ ឈុំ ប្រុស អាយុ៣០ឆ្នាំ។​ ក្នុងប្រតិបត្តិការនេះ កម្លាំងជំនាញ​ដកហូតបានថ្នាំញៀនចំនួន​១១កញ្ចប់។

​បច្ចុប្បន្នជនសង្ស័យទាំង៦នាក់ កំពុងឃាត់ខ្លួននៅស្នងការដ្ឋាននគរបាលខេត្ត ដើម្បីកសាងសំណុំរឿង​អនុវត្តតាមនីតិវិធី​៕