(កំពង់ស្ពឺ)៖ លោកឧត្តមសេនីយ៍ឯក អ៊ុក​ កោសា​ ទីប្រឹក្សាសម្តេចពញាចក្រី ហេង សំរិន រួមជាមួយក្រុមការងារ​ចុះជួយស្រុកឧដុង្គ ខេត្តកំពង់ស្ពឺ លោក លី សុន ប្រធានក្រុមការងារគណបក្សប្រជាជនចុះជួយស្រុកឧដុង្គ និងលោកឧត្តមសេនីយ៍ត្រី ​យ៉ុង ម៉ៅ​ និងមានសមាជិក-សមាជិកាជា​ក្រុម​ការងារ​គណៈកម្មាធិការកណ្តាល​ ចុះជួយស្រុក​ឧដុង្គ​ ដែលបានជួបសំណេះសំណាលជាមួយសមាជិកបក្ស មកពីភូមិព្រៃជុំ ភូមិរូង និងភូមិ​ព្រៃធំ​ ឃុំ​យុទ្ធសាមគ្គី​ ស្រុក​ឧដុង្គ​ ចំនួន៩១៩នាក់ ប្រកបដោយភាពស្និទ្ធស្នាលបំផុត។

ឱកាសសំណេះសំណាលនេះ ធ្វើឡើង​នៅរសៀលថ្ងៃទី២៩ ខែមេសា ឆ្នាំ២០១៧។ ក្នុងនោះ លោកបណ្ឌិត អ៊ុក កោសា បានលើកឡើងថា «បងប្អូនជាសមាជិកបក្សប្រជាជន ត្រូវតែនាំគ្នាទៅបោះឆ្នោត មិនតែប៉ុណ្ណោះ ត្រូវប្រាប់ក្រុមគ្រួសារជាសមាជិកឲ្យបានជ្រាប ពីថ្ងៃបោះឆ្នោតផងដែរ គឺនៅថ្ងៃទី០៤ ខែមិថុនា ឆ្នាំ២០១៧ ខាងមុខ»។

ចំពោះសមាជិកទាំងអស់ បើសិនជាមានជួបការលំបាក សូមផ្តល់ដំណឹងមកក្រុមការងារ ដើម្បីឲ្យក្រុមការងារដោះស្រាយជូន ឲ្យបានទាន់ពេលវេលា។ ក្រុមការងារក៏បាន​ឧបត្ថម្ភ​ថវិកាដល់សមាជិកបក្សសរុប ១១លានរៀល​ និង​អង្ករ ៣៥០គីឡូក្រាម​ ត្រីខកំប៉ុងចំនួន ២,០០០កំប៉ុង ផងដែរ៕