(ភ្នំពេញ)៖ ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីស្ថានភាពអាកាសធាតុ ក្នុងអំឡុងបុណ្យចូលឆ្នាំខ្មែរ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០១៧ ដោយបានបញ្ជាក់ថា ភ្លៀងកក់ខែ នឹងកើតមានឡើងស្ទើរទូទាំងប្រទេស ជាពិសេសនៅពេលយប់។

សេចក្តីជូនដំណឹងរបស់ក្រសួងធនធានទឹក នៅថ្ងៃទី១៣ ខែមេសា ឆ្នាំ២០១៧នេះ បានបញ្ជាក់ថា «បន្ទាប់ពីបានតាមដានលើស្ថានភាពអាកាសធាតុរួចមក ឃើញថា បច្ចុប្បន្នកម្រិតសម្ពាធទាប បាននិងកំពុងមានឥទ្ធិពលគ្របដណ្តប់លើព្រះរាជាណាចក្រកម្ពុជា ដែលស្ថានភាពបែបនេះ អាចនឹងភ្លៀកកក់ខែ នៅតំបន់ខ្ពង់រាប តំបន់ទំនាបកណ្តាល និងតំបន់មាត់សមុទ្រ»។

សូមអានព័ត៌មានលម្អិត សេចក្តីជូនដំណឹងរបស់ក្រសួងធនធានទឹក​ ខាងក្រោមនេះ៖