(សៀមរាប)៖​ ​​បន្ទាប់ពីសម្រាកនៅសណ្ឋាគារសូហ្វីតែលអង្គរ ខេត្តសៀមរាប មួយយប់ ប្រធានាធិបតីសិង្ហបុរី​ លោក តូនី តាន់ កេងយាំ និងភរិយា ព្រមទាំង​គណៈប្រតិភូ ​នឹងអញ្ជើញទស្សនាកំសាន្ដ នៅកន្លែងផលិតរូបចម្លាប់បុរាណអង្គរនានា (Artisan Angkor) ​នៅម៉ោង១០៖៥០នាទីព្រឹក ថ្ងៃទី១១ ខែមករា ឆ្នាំ២០១៧នេះ មុនចាកចេញពីកម្ពុជា។

នៅក្នុងដំណើរទស្សនកិច្ចទៅខេត្តសៀមរាប របស់ប្រធានាធិបតីសិង្ហបុរី​ អមដំណើរដោយយកចិត្តទុកដាក់ពីសំណាក់ សម្តេចចៅហ្វាវាំង គង់ សំអុល រដ្ឋមន្ដ្រីក្រសួង ព្រះបរមរាជរាំង និង​រដ្ឋមន្ដ្រីក្រសួងទេសចរណ៍ លោក ថោង ខុន ព្រមទាំងលោក ឃឹម ប៊ុនសុង អភិបាលខេត្តសៀមរាប និងថ្នាក់ដឹកនាំ ខេត្តមួយចំនួនទៀតផងដែរ​។

នៅរសៀលម៉ោង១៦៖២៥នាទីថ្ងៃដដែល លោកប្រធានាធិបតីសិង្ហបុរី និងគណៈប្រតិភូ នឹងចាកចេញពីខេត្តសៀមរាប មកកាន់អាកាសយានដ្ឋាន​អន្តរជាតិ​ភ្នំពេញ ហើយបន្តដំណើរចាកចេញពីកម្ពុជា ទៅកាន់ប្រទេសឡាវ ជាបន្តទៀត៕​