(សៀមរាប)​៖ នៅរសៀលថ្ងៃទី០៨ ខែមករា ឆ្នាំ២០១៧នេះ លោកបណ្ឌិត ឃឹម ប៊ុនសុង អភិបាល​ខេត្តសៀមរាប​ អញ្ជើញចូលរួមគោរពវិញ្ញាណក្ខន្ធ​សព​​​ លោក កៅ សុភ័ណ សមាជិកក្រុមប្រឹក្សាខេត្តសៀមរាប ដែលទទួលមរណៈភាពកាលពីថ្ងៃទី០៦ ខែមករា ឆ្នាំ២០១៧ ក្នុងជន្មាយុ​៦៤ ឆ្នាំ ដោយរោគាពាធ។

ក្នុងនោះលោកអភិបាលខេត្ត បាន​ចូលរួមរំលែកទុក្ខយ៉ាងក្រៀមក្រំក្រៃលែងនេះ ចំពោះក្រុមគ្រួសារលោកស្រី ដែលបានបាត់បង់ស្វាមី និងឪពុក ដ៏មានគុណ និងជាទីគោរពស្រលាញ់។ អភិបាលខេត្តថា «ខ្ញុំសូមបួងសួងដល់ដួងវិញ្ញាណក្ខន្ធ ឯកឧត្តម កៅ សុភ័ណ សូមបានទៅសោយសុខក្នុងសុគតិភព កុំបីឃ្លៀងឃ្លាតឡើយ»៕