(កណ្តាល)៖ លោក នូ សាខន ប្រធានក្រុមប្រឹក្សាខេត្តកណ្ដាល និងលោក គួច ចំរើន អភិបាលខេត្តកណ្ដាល ព្រមទាំងថ្នាក់ដឹកនាំ មន្ត្រីរាជការ មន្ទីរជុំវិញខេត្ត នារសៀលថ្ងៃទី១៦ ខែកក្កដា ឆ្នាំ២០២៥ បាននាំយកទៀនព្រះវស្សា និងទេយ្យទាន មកប្រគេនដល់ព្រះសង្ឃដែលគង់ចាំព្រះវស្សានៅវត្តប្រជុំនទី ក្រពើហា ស្ថិតក្នុងក្រុងតាខ្មៅ ខេត្តកណ្តាល។

ជារៀងរាល់ឆ្នាំ មិនថាពុទ្ធបរិស័ទ ឬសប្បុរសជន និងអាជ្ញាធរ តែងតែនាំយកនូវទៀនចំណាំព្រះវស្សាមកវេរប្រគេន ដល់ព្រះសង្ឃដែលគង់ចាំព្រះវស្សា នៅតាមទីវត្តអារាមនានា។ ក្នុងរយៈពេលគង់ចាំព្រះវស្សារ អស់ត្រីមាស នៅទីវត្តអារាម ដែលក្នុងរយៈពេលនោះ ព្រះសង្ឃមិនអាចនិមន្តចេញទៅបិណ្ឌបាត្របាន ព្រោះរដូវវស្សានេះមានភ្លៀងធ្លាក់ជោគជាំ គឺជាពេលវេលាមួយយ៉ាងសំខាន់ សម្រាប់ព្រះសង្ឃមានឱកាសគ្រប់គ្រាន់ ក្នុងការសិក្សា រៀនសូត្រ នូវធម៌វិន័យ របស់ព្រះសម្មាសាម្ពុទ្ធ ដោយប្រើប្រាស់នូវពន្លឺភ្លើងទានវស្សានេះ ទៅដុតបំភ្លឺមើលគម្ពីរព្រះត្រៃបិដក និងបូជាថ្វាយដល់ព្រះគុណ ព្រះរតនត្រ័យ។

ទេយ្យទានដែលរដ្ឋបាលខេត្តកណ្ដាល បានប្រគេនជូនរួមមាន ទៀនព្រះវស្សា ០១ គូ, អង្ករ២០០គីឡូក្រាម, ទឹកសុទ្ធ ២០ កេស, រេសជ្ជៈ ១០ កេស, មី ១០ កេស, ត្រីខ ១០ យួរ, សាដក ០១, ទឹកត្រី និងទឹកស៊ីអ៉ីវ ៥យួរ, ប្រេងម៉ាស៊ូត ១កាន, តែ ៥គីឡូក្រាម, ទឹកដោះគោ ១កេស, ស្ករ ១បេ ប្រេងម៉ាស៊ូត ១កាន(៣០លីត្រ)។

ព្រះសិរីវិសុទ្ធិ វ័ន្ត វណ្ណោ ព្រះរាជាគណៈថ្នាក់ចត្វា ព្រះលេខាគណខេត្ត និងជាព្រះចៅអធិការវត្តប្រជុំនទី ហៅវត្តក្រពើហា បានថ្លែងអំណរគុណជាអនេក និងប្រោសព្រុំពរជ័យដល់ថ្នាក់ដឹកនាំខេត្ត និងសហការីទាំងអស់ ជូបតែពុទ្ធពរទាំង៤ប្រការ និងសូមមានសុខភាពល្អ អាយុយឺនយូរ៕