(សៀមរាប)៖ អ្នកឧកញ៉ា សៀង ណាំ តំណាងរាស្ត្រ​មមណ្ឌលខេត្តសៀមរាប និង លោក នូ សុវត្ថិ រដ្ឋលេខាធិការ​ ក្រសួងសាធារណៈការ​ និងដឹក​ជញ្ជូន នៅថ្ងៃទី២៩ ខែឧសភា ឆ្នាំ២០២៤នេះ បានអញ្ជេីញបើកការដ្ឋានសាងសង់ ផ្លូវលេខ​២៦៥E ​ប្រវែង​២០៥០ម៉ែត្រ ស្ថិតនៅឃុំរលួស​ និងឃុំមានជ័យ ស្រុកប្រាសាទបាគង ខេត្តសៀមរាប។

ពិធីនេះ ដោយមានការអញ្ជើញចូលរួមពី លោក អ៉ឹង គឹមលាង​ អភិបាលរខេត្ត​ លោក លោកស្រី ក្រុមការងារចុះមូលដ្ឋានស្រុក មន្ទីរអង្គ​ភាព​​ពាក់ព័ន្ធ​ សមាជិកក្រុមប្រឹក្សាស្រុក គណៈអភិបាល និងមន្ត្រីរដ្ឋបាលស្រុក កងកម្លាំងប្រដាប់អាវុធ អាជ្ញាធរឃុំ ភូមិ លោកយាយ លោកតា បងប្អូនប្រជាពលរដ្ឋ ក្នុងភូមិរលួសខាងលិច ភូមិដូនទាវ ឃុំរលួស​ និងភូមិតាប្រាក់​ ឃុំមានជ័យ។

ផ្លូវមួយខ្សែនេះ នឹងត្រូវសាងសង់ ដោយចាក់បេតុងប្រវែង២០៥០ ម៉ែត្រ ទទឹង៨ ម៉ែត្រ និងកម្រាស់២ តឹក ជាគម្រោង របស់រាជរដ្ឋាភិបាលតាមរយៈ ក្រសួងសាធារណៈការ និងដឹកជញ្ជូន ទទួលសិទ្ធសាងសង់ ដោយកងវិស្វកម្ម សម្តេចតេជោខេត្តសៀមរាប ដើម្បីសម្រួល ដល់ការធ្វើដំណើរ និងការដឹកជញ្ជូនកសិផល ទំនិញ របស់បងប្អូនប្រជាពលរដ្ឋ៕