(បាត់ដំបង)៖ កម្លាំងនគរបាលការិយាល័យប្រឆាំងគ្រឿងញៀនខេត្ត បានបញ្ជូនជនសង្ស័យម្នាក់ រួមជាមួយថ្នាំញៀនយ៉ាម៉ា៤៤គ្រាប់ ទៅតុលាការ នៅរសៀលថ្ងៃទី៩ ខែកញ្ញា ឆ្នាំ២០១៦ បន្ទាប់ពី​កម្លាំងជំនាញឃាត់ខ្លូនបាន នាថ្ងៃម្សិលមិញ នៅចំណុច​ភូមិក្បាលអាង ឃុំព្រៃខ្ពស់ ស្រុកបវេល ខេត្តបាត់ដំបង​។

​លោក ស៊ាន សូណាល់ នាយការិយាល័យប្រឆាំងគ្រឿងញៀនខេត្ត បានឲ្យដឹងថា​ ជនសង្ស័យដែលឃាត់ខ្លួនបាន ឈ្មោះ ធី ចន្ថា អាយុ២៣ឆ្នាំ រស់នៅភូមិឃុំខាងលើ ក្នុងនោះសមត្ថកិច្ចដកហូតបានថ្នាំយ៉ាម៉ា ៤៤គ្រាប់​ និងសម្ភារៈមួយចំនួនទៀត។

​បច្ចុប្បន្នជនសង្ស័យ ត្រូវបានកម្លាំងការិយាល័យប្រឆាំងគ្រឿងញៀនខេត្ត កសាងសំណុំរឿងបញ្ចូនទៅតុលាការ ដើម្បីចាត់ការតាមច្បាប់៕