(បន្ទាយមានជ័យ)៖ យោងតាមរ​បាយការណ៍របស់រដ្ឋ​បាលខេត្តបន្ទាយមានជ័យ បានឲ្យដឹងថា សម្រាប់ថ្ងៃទី២ នៃពិធីបុណ្យចូលឆ្នាំថ្មី ប្រពៃណីជាតិខ្មែរ ត្រូវនឹងថ្ងៃទី១៤ ខែមេសា ឆ្នាំ២០២៤នេះ មានភ្ញៀវទេសចរជាតិ និងអន្ដរជាតិសរុប ប្រមាណជាង១៩ម៉ឺននាក់ បានទៅលេងកម្សាន្ដនៅខេត្តមួយនេះ។

របាយការណ៍ដែលបណ្ដាញព័ត៌មាន Fresh News ទទួលបានបញ្ជាក់ថា សរុបចំនួនភ្ញៀវទេសចរ ១៩០,៤៣៨នាក់ ក្នុងនោះ ភ្ញៀវជាតិមានចំនួន ១៩០,០៥២នាក់ ភ្ញៀវបរទេសចំនួន៣៨៦នាក់ (ភាគច្រើនជនជាតិចិន ជនជាតិថៃ ជនជាតិឥណ្ឌូណេស៊ីនៅតំបន់ប៉ោយប៉ែត)។

តំបន់ដែលអ្នកទេចរណ៍ទៅលេងកម្សាន្ដ រួមមាន៖ សួនតេជោឈ្នះឈ្នះ, ប្រាសាទបន្ទាយឆ្មារ, អាងជើងគ្រុស, ស្ពានភ្ជាប់និស្ស័យបារាយមេបុណ្យ, ក្រុងប៉ោយប៉ែត (តំបន់ដើមពុទ្ទ្រា), អាងត្រពាំងថ្ម, វត្តភ្នំតូច, អូរខៃដន, ដុងអរញ្ញ, សួនស្នេហ៍ជនបទ និងតំបន់ផ្សេងៗ (វត្តអារាមនានាក្នុងខេត្ត)៕