(ប៉េកាំង)៖ អាជ្ញាធរចិនបានរាយការណ៍នៅថ្ងៃព្រហស្បតិ៍នេះថា មនុស្សស្លាប់បានកើនឡើងដល់ ៤០នាក់ នៅក្នុងហេតុការណ៍រលំប៉មបញ្ចុះសីតុណ្ហភាព នៅឯស្ថានីយ៍ថាមពលអគ្គីសនី​មួយកន្លែងស្ថិតនៅក្នុង ទីក្រុង Fengcheng នៃខេត្តជាំងស៊ី ភាគអាគ្នេយ៍​ប្រទេសចិន។ នេះបើតាមការចេញផ្សាយដោយ ទីភ្នាក់ងារសារព័ត៌មានចិនស៊ិនហួរ នៅមុននេះបន្តិច​នាព្រឹកថ្ងៃព្រហស្បតិ៍ ទី២៤ ខែវិច្ឆិកា ឆ្នាំ២០១៦។

យោងតាមអាជ្ញាធរនៅក្នុង​តំបន់ ដែលកំពុងដុតដៃដុតជើងក្នុងប្រតិបត្តិការជួយសង្រ្គោះហេតុការណ៍​រលំប៉មផលិតថាមពលអគ្គីសនីខាងលើបានកើតឡើងនៅម៉ោងប្រមាណជា ៧៖០០នាទីព្រឹកនេះ ខណៈមូលហេតុនៃគ្រោះ​ថ្នាក់នេះ កំពុងស្ថិតនៅក្រោមការស៊ើបអង្កេត៕​