(កៀវ)៖ កងកម្លាំងទ័ពអាកាសអ៊ុយក្រែន នៅថ្ងៃអាទិត្យ ទី២៧ ខែមេសា បានឱ្យដឹងថារុស្ស៉ីបានវាយប្រហារដោយប្រើដ្រូន១៤៩គ្រឿង លើអ៊ុយក្រែនពេញមួយយប់ថ្ងៃសៅរ៍ម្សិលមិញ ខណៈអភិបាលម្នាក់ នៃតំបន់ ភាគខាងកើត រាយការណ៍ថាមនុស្សម្នាក់ត្រូវបានសម្លាប់ និងម្នាក់ទៀតរងរបួស។ នេះបើតាមការចេញផ្សាយដោយទីភ្នាក់ងារសារព័ត៌មាន Reuters។

លោក Serhiy Lysak ជាអភិបាលអ៊ុយក្រែននៃតំបន់ Dnipropetrovsk បាននិយាយថាបុរសម្នាក់ត្រូវបានសម្លាប់ ក្នុងការវាយប្រហាររបស់រុស្ស៉ី​លើទីក្រុង Pavlohrad ហើយក្មេងស្រីម្នាក់អាយុ១៤ឆ្នាំ បានរងរបួស។

គួរបញ្ជាក់ថា បើតាមកងកម្លាំងទ័ពអាកាសអ៊ុយក្រែន ដ្រូន ៥៧គ្រឿង ក្នុងចំណោម ១៤៩គ្រឿងរបស់រុស្ស៉ី ត្រូវបានបាញ់ទម្លាក់ ខណៈ៦៧គ្រឿងបាត់ចេញពីរ៉ាដា ដោយមិនបានហោះទៅដល់គោលដៅនោះទេ៕