(ភ្នំពេញ)៖ ក្រសួងទេសចរណ៍ បានចេញសេចក្តីណែនាំ៩ចំណុច ស្តីពីការការពារសន្តិសុខ និងសុវត្ថិភាពភ្ញៀវទេសចរ ដែលមកទស្សនាកម្សាន្ត នៅប្រទេសកម្ពុជា។ នេះបើតាមសេចក្តីជូនដំណឹងក្រសួង ដែលអង្គភាពព័ត៌មាន Fresh News ទទួលបាននៅ រសៀលថ្ងៃទី១៧ ខែកញ្ញា​នេះ។

មូលហេតុនៃការចេញសេចក្តីជូនដំណឹងនេះ ដោយសារនៅក្នុងរយៈពេល៦ខែ​ ដើមឆ្នាំ២០១៨នេះ ភ្ញៀវទេសចរអន្តរជាតិ ដែលមកទស្សនាក្នុងប្រទេសកម្ពុជា មានប្រមាណជាង៣លាននាក់ ដែលមានការកើនឡើង១៣ភាគរយ ប្រៀបធៀបនឹងរយៈ ពេលដូចគ្នា កាលពីឆ្នាំ២០១៧។ ក្នុងនោះ មានភ្ញៀវទេសចរចិន ច្រើនជាងគេ ក្នុងចំណោមភ្ញៀវទេសចរអន្តរជាតិ ដែលឈរនៅលំដាប់ ខ្ពស់ទាំង១០ប្រទេស។

ក្រសួងបានចាត់ទុកថា វិស័យទេសចរណ៍ គឺជាវិស័យមួយដ៏សំខាន់ ក្នុងការជំរុញសេដ្ឋកិច្ចសង្គម ដោយបាននាំមកនូវ ចំណូលជាតិ ផ្តល់ឱកាសការងារ និងរួមចំណែកកាត់បន្ថយភាពក្រីក្រ របស់ប្រជាពលរដ្ឋ ប្រកបដោយប្រសិទ្ធភាព។ ជាក់ស្តែងកាលពីឆ្នាំ២០១៧​ កម្ពុជាទទួលបានទេសចរអន្តរជាតិចំនួន ៥,៦លាននាក់ កើនឡើង១១,៨ភាគរយ និងទទួលបានចំណូលជូនជាតិ ៦០០លានដុល្លារអារមិក រួមចំណែកប្រមាណ១២ភាគរយ នៃផលិតផលក្នុងស្រុកសរុប និងបង្កើតឱកាសការងារជូនប្រជាពលរដ្ឋ ដោយផ្ទាល់ជាង ៦៥ម៉ឺននាក់។

ដើម្បីបង្ការ និងធានាសន្តិសុខ និងសុវត្ថិភាពភ្ញៀវទេសចរ ជាពិសេសជនជាតិចិន ក្រសួងទេសចរណ៍ ធ្វើការណែនាំដល់គ្រប់មន្ទីរទេសចរណ៍ រាជធានី-ខេត្ត ឲ្យខិតខំយកចិត្តទុកដាក់ខ្ពស់ លើបញ្ហាសន្តិសុខ និងសុវត្ថិភាពភ្ញៀវទេសចរ ដែលមកកម្សាន្តនៅកម្ពុជា ចំនួន៩ចំណុចធំៗ។

ព័ត៌មានលម្អិត សូមអានសេចក្តីជូនដំណឹងខាងក្រោមនេះ៖