(ភ្នំពេញ)៖ នារីវ័យក្មេងស្រស់ស្អាតម្នាក់បានធ្លាក់ពីលើអាគារ «The Litz» បណ្ដាលឲ្យស្លាប់យ៉ាងអាណោចអាធ័មនៅនឹងកន្លែង ហេតុការណ៍នេះបានបង្កឲ្យមានការភ្ញាក់ផ្អើលឡើងនៅវេលាម៉ោង១០៖៣០យប់ថ្ងៃទី១២ ខែកញ្ញា ឆ្នាំ២០១៨ ដែលមានទីតាំងស្ថិតនៅសណ្ឋាគារ (The Litz Hotel Suite) តាមបណ្ដោយផ្លូវ១០៥ ស្ថិតក្នុងសង្កាត់បឹងព្រលិត ខណ្ឌ៧មករា រាជធានីភ្នំពេញ។
ព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានលឺសំឡេងលាន់យ៉ាងខ្លាំង ស្រាប់តែក្រឡេកមើលទៅមុខសណ្ឋាគារ «The Litz» ឃើញនារីវ័យក្មេងម្នាក់បានដេកស្លាប់ដោយគេឃើញធ្លាក់មកពីលើអាគារស្លាប់បាត់បង់ជីវិតយ៉ាងអាណោចអាធ័មនៅនឹងកន្លែង។
ក្រោយកើតហេតុសពត្រូវបានសមត្ថកិច្ចជំនាញត្រួតពិនិត្យ ដើម្បីស្វែងរកការពិតនៅពីក្រោយថា ជាករណីអ្វីឲ្យប្រាកដ ទើបបាននារីវ័យក្មេងម្នាក់នេះធ្លាក់ពីលើអគារស្លាប់៕
