(ភ្នំពេញ)៖ ក្រុមហ៊ុន EPSON សហការជាមួយក្រុមហ៊ុន អេ ដាប់ប៊ែលយូ អេស ខេមបូឌា ​(AWS Cambodia) បានចូលរួមពិពណ៍រដាក់បង្ហាញផលិតផល ក្នុងកម្មវិធី «អាជីវកម្មខ្នាតតូច និង​មធ្យមនៅកម្ពុជា» (SME & Start-Up Expo) នៅថ្ងៃទី​០១-០២ ខែកញ្ញា ឆ្នាំ២០១៨ ក្នុងសាលមហោស្របកោះពេជ្រ។

កិច្ចសហការវាង ក្រុមហ៊ុន EPSON និង​ក្រុមហ៊ុន AWS Cambodia ក្នុងការចូលរួមកម្មវិធីដាក់បង្ហាញអាជីវកម្មខ្នាតតូច និង​មធ្យមនៅកម្ពុជានេះ មានគោលបំណងដើម្បីចូលរួម​លើកកំពស់វិស័យ ពាណិជ្ជកម្ម អាជីវកម្ម និងសហគ្រិនភាពនៅកម្ពុជាឲ្យកាន់តែមានភាពរីកចម្រើនទ្បើង។ វិស័យសំខាន់ៗ ខាងលើមានដូចជា​បច្ចេកវិទ្យា ស្ថាបត្យកម្ម ទេសចរណ៍ សិប្បកម្ម ចំណីអាហារ សម្លៀកបំពាក់ ដឹកជញ្ជូន ធនាគារ កសិកម្ម ផ្សព្វផ្សាយ និង​អាជីវកម្មលក់កម្មសិទ្ធ ដែលសុទ្ធសឹងតែជាផលិតផល និង​សេវាកម្មថ្មីៗបង្កើតឡើងដោយសហគ្រិនវយ័ក្មេងនៅកម្ពុជា។

ដើម្បីបម្រើ និងសម្រួលខាងផ្នែកការងាររដ្ឋបាល ដល់វិសយ័អាជីវកម្មខាងលើនេះ ក្រុមហ៊ុន បានចូលរូមដាក់បង្ហាញនូវម៉ាស៊ីនព្រីន (Printer) ម៉ាស៊ីនបញ្ចាំងរូបភាព (Projector) ម៉ាស៊ីនស្កែន (Scanner) និង​ម៉ាស៊ីនព្រីនវិកយបត្រ័ (Receipt Printer) ជាច្រើនប្រភេទ ដែលជាម៉ូឌែលថ្មីៗ មានគុណភាពខ្ពស់ និង​តំលៃសមរម្យ។ ទន្ទឹមនឹងនោះដែរ ក្រុមហ៊ុនក៏បានផ្តល់ជូននៅកម្មវិធី ប្រូមូសិនពិសេស (Back to School) ក្នុងការថែមជូនយ៉ាងច្រើនសន្ធឹកសន្ធប់ ដោយគ្រាន់តែជីវផលិតផល EPSON ណាមួយនៅក្នុងតារាងផលិតផល និងការលេងល្បែងកំសាន្តជាច្រើនទៀត។

សូមជម្រាបថា ក្រុមហ៊ុន​ AWS Cambodia គឺជាក្រុមហ៊ុនតំណាងចែកចាយ ផលិតផលពត័មានបច្ចេកវិទ្យា និង​ប្រពន្ធ័គ្រប់គ្រងអគារ ល្បីៗនៅលើពិភពលោក ក្នុងប្រទេសកម្ពុជា ដូចជា COMMSCOPE (TE, AMP, Kron), Cisco SME, EPSON, Alantek, D-Link, Socomec UPS, , Honeywell (Fire& Security), Brady, Zycoo, Bullgurad, Printronix, SENOR និង ផលិតផលជាច្រើនទៀត។ បច្ចុប្បន្នក្រុមហ៊ុនមានសាខា ក្នុងប្រទេស និងនៅតំបន់អាស៊ីដែលមានដូចជា ប្រទេសសិង្ហបុរី មាឡេស៊ី ឥណ្ខូនេស៊ី ថៃ ហ្វីលីពីន កម្ពុជា វៀតណាម និង ប្រទេសមីយ៉ាន់ម៉ា។ ពត៌មានបន្ថែមពីក្រុមហ៊ុន សូមចូលទៅកាន់ www.awspl.com

​ដោយឡែក ក្រុមហ៊ុន Epson គឺជាក្រុមហ៊ុនបច្ចេកវិទ្យាដ៏ឈានមុខគេនៅលើពិភពលោក ផ្តោតសំខាន់លើការភ្ជាប់ទំនាក់ទំនងមនុស្ស ឧបករណ៍ប្រើប្រាស់ និងព័ត៌មាន តាមរយៈបច្ចេកវិទ្យាថ្មី ប្រកបដោយប្រសិទ្ធភាព ស្ថិរភាព និងភាពជាក់លាក់។

តាមរយៈខ្សែសង្វាក់ផលិតកម្ម ចាប់ពីម៉ាស៊ីនព្រីន inkjet និងប្រព័ន្ធបោះពុម្ពឌីជីថលទៅជាម៉ាស៊ីនបញ្ចាំង 3LCD វ៉ែនតាឆ្លាតវៃ ប្រព័ន្ធសេនស័រ និងមនុស្សយន្ត បម្រើក្នុងវិស័យឧស្សាហកម្ម ក្រុមហ៊ុនបានផ្តោតលើការពន្លឿនការបង្កើតថ្មី និងពង្រឹងការរំពឹងទុករបស់អតិថិជនលើផលិតផល inkjet, visual communications, ឧបករណ៍ wearable និងមនុស្សយន្ត។ ​ដឹកនាំដោយក្រុមហ៊ុន Seiko Epson Corporation ដែលមានមូលដ្ឋាននៅប្រទេសជប៉ុន សម្ព័ន្ធក្រុមហ៊ុន Epson Group មានបុគ្គលិកជាង ៨០.០០០ នាក់ នៅក្រុមហ៊ុនចំនួន ៨៦ ទូទាំងពិភពលោក និងមានមោទនភាពចំពោះការរួមចំណែកដល់សហគមន៍តាមរយៈការធ្វើប្រតិបត្តិការ និងកិច្ចខិតខំប្រឹងប្រែង ដើម្បីកាត់បន្ថយផលប៉ះពាល់បរិស្ថាន សូមទំនាក់ទំនង http://global.epson.com/​៕