​(ភ្នំពេញ)៖​ ក្រុមហ៊ុន​ អេនដ្រូមេដា​ ឌីស្រ្ទីប៊្យូសិន ខបភើរេសិន​​​ (Andromeda Distribution Corporation) បាន​សហការជាមួយ​ក្រុមហ៊ុន​ Pivot3 ដើម្បីធ្វើ​សិក្ខាសាលាមួយ ស្តីពី​ការប្រគល់សិទិ្ធចែកចាយផ្តាច់មុខ Pivot3 មកឲ្យ​ក្រុមហ៊ុនអេនដ្រូមេដា​​។

​ក្នុងកិច្ចចាប់ផ្តើមបើកទំព័រកម្មវិធីក្រុមហ៊ុន​ Pivot3 បាន​ប្រគល់នូវវិញ្ញាបប័ត្រដែល​ បញ្ជាក់ពីការព្រមព្រៀងប្រគល់សិទ្ធិចែកចាយផលិតផលរបស់ខ្លួន មកឲ្យក្រុមហ៊ុន Andromeda ដែលធ្វើឡើងនៅរសៀលថ្ងៃទី២៤ ខែ សីហា​​​ ​​​ឆ្នាំ២០១៨ នៅសណ្ឋាគារសុខា។

លោក​ Andy CK Yoon អ្នកតំណាងឲ្យក្រុមហ៊ុន Pivot3 បានលើកឡើងថា​ ក្រុមហ៊ុន Andromeda បានសហការនិងបង្កើតកម្មវិធីនេះឡើង​ ក៏ដូចជាផ្តល់ឱកាសឲ្យលោក​ បានធ្វើបទបង្ហាញលំអិតអំពីដំណេះស្រាយផលិតផលរបស់ខ្លួន​ នៅក្នុងសិក្ខាសាលានេះ។​ ​ផលិតផលរបស់​ Pivot3 គឺជាផលិតផល​ ដែលកំពុងតែល្បីល្បាញទូទាំងសកលលោក​ ចំពោះបច្ចេកវិទ្យា​​ Hyper ​Converged Infrastructure Solutions (HCI)។

​​លោក Harry Chan​​ អគ្គនាយកនៃក្រុមហ៊ុន​ Andromeda បានបញ្ជាក់ថា​ ក្រុមហ៊ុនរបស់លោកបានទទួលសេចក្តីទុកចិត្តពីក្រុមហ៊ុន Pivot3 ដែលជាក្រុមហ៊ុនលំដាប់កំពូល និងឈានមុខគេ​ខាងផ្នែក HCI ដែលមានផលិតផលសំខាន់ដូចជា៖ ប្រព័ន្ធគ្រប់គ្រង Data Center និង Surveillance ដែលជាបច្ចេកវិទ្យាថ្មី ដែលកំពុងមានការចាប់អារម្មណ៍ព្រមទាំងទទួល​ បានការគាំទ្រពីសំណាក់ដៃគូចែកចាយ ក៏ដូចជាអតិថិជនតាមបណ្តាក្រុមហ៊ុននានាជាច្រើន។​

លោកបានបន្តថា ក្រុមហ៊ុនរបស់លោកបានទទួលសិទ្ធិចែកចាយ ផ្តាច់មុខដូចជា​ Barracuda WatchGaurd Panduit​​ Zebra Extreme Cambium QNAP Polycom ​Ekorack Softing Sangfor​​ McAfee ZyXEL ATEN និង Pivot3 ដែលសុទ្ធសឹងតែជាផលិតផល​ ​កំពុងទទួលបានការគាំទ្រ​​ស្ទើរតែគ្រប់មជ្ឈដ្ឋានអ្នកប្រើប្រាស់ទាំងអស់៕