(ហ្សាការតា-ឥណ្ឌូនេស៊ី)៖ លោកបណ្ឌិត ថោង ខុន ប្រធានប្រតិភូកីឡាអាស៊ីកម្ពុជា នៅព្រឹកថ្ងៃទី១៨ ខែសីហា ឆ្នាំ២០១៨នេះ បានជួបសំណេះសំណាល និងផ្ដាំផ្ញើដល់កីឡាករ កីឡាការិនី មន្ដ្រី និងគ្រូបង្វិក ជាលើកចុងក្រោយ មុនចូលរួមប្រកួត។

ក្នុងពិធីសំណេះសំណាលនៅភូមិកីឡា ទីក្រុងហ្សាការតានេះ ក៏មានការចូលរួមពី ​លោក ហោ ណាំបូរ៉ា ឯកអគ្គរាជទូកកម្ពុជា ប្រចាំឥណ្ឌូនេស៊ីផងដែរ។​

ថ្លែងក្នុងឱកាសនោះ លោកបណ្ឌិត ថោង ខុន បានណែនាំ និងប្រាប់មន្រ្តី គ្រូបង្វឹក កីឡាករ កីឡាការិនី ដោយក្រើនរំលឹកពី​ដំបូន្មានដ៏ខ្ពង់ខ្ពស់របស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា គឺ​រក្សាកិត្តិយសជាតិ កុំរំលោភវិធានកីឡា និងកុំប្រើសារធាតុលើកកម្លាំងខុសច្បាប់កីឡា។

ក្រៅពីនោះ លោកប្រធានប្រតិភូកីឡាអាស៊ីកម្ពុជា ផ្តាំឲ្យថែរក្សាសុខភាព ខិតខំហ្វឹកហាត់ និងត្រៀមស្មារតីប្រកួតឲ្យបានហ្នឹងន៎​ រីឯការរស់នៅ​ជាមួយប្រទេសដទៃ ត្រូវគោរពស្រលាញ់គ្នាជាមិត្តភាព ទន់ភ្លន់ រុះរាយទាក់ទាក់។

ជាចុងក្រោយ លោក ថោង ខុន បានជូនពរឲ្យប្រភូកីឡាកម្ពុជា ទទួលបានជោគជ័យក្នុងការប្រកួតលើកនេះ​។ ក្រៅពីនោះ លោកត្រូវបានម្ចាស់ផ្ទះស្វាគមន៍ ក្នុងពិធីគោរពទង់ជាតិ នៃការមកដល់របស់ប្រតិភូកម្ពុជា៕