(កំពង់ចាម)៖ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម នៅថ្ងៃទី១៦ ខែសីហា ឆ្នាំ២០១៨នេះ បានចុះសួរសុខទុក្ខ លោកអនុសេនីយ៍ឯក ស៊ា មួយនៅ នាយប៉ុស្ដិ៍នគរបាលរដ្ឋបាលព្រែកកក់ ស្រុកស្ទឹងត្រង់ ដែលមានជំងឺដុះសាច់ក្នុងខួរក្បាល ត្រូវបានបញ្ជូនទៅព្យាបាលនៅប្រទេសវៀតណាម និងត្រូវបានគ្រូពេទ្យបញ្ជូនឲ្យត្រឡប់មកផ្ទះវិញ ស្ថិតនៅភូមិបឹងដែង ឃុំព្រែកកក់ ស្រុកស្ទឹងត្រង់។
ក្នុងឱកាសនោះ ក៏មានការចូលរួមពី លោក ទុន ណេត អភិបាលស្រុកស្ទឹងត្រង់, លោក វ៉ាន់ អុន ប្រធានធនាគារស្ថាបនាស្រុកស្ទឹងត្រង់ និងសហការី រួមមាន នាយការិយាល័យបុគ្គលិក លោកអធិការ-អធិការរងស្រុកស្ទឹងត្រង់ ចំនួន១៥រូបផងដែរ។
លោកឧត្តមសេនីយ៍ស្នងការ ក៏បាននាំយកអំណោយមួយចំនួន និងអំណោយដែលបានមកពីទឹកចិត្តសប្បុរសជន ក្នុងស្រុកស្ទឹងត្រង់ ផ្ដល់ជូនរួមមាន៖ ថវិកា៥,៩៥០,០០០រៀល, អង្ករ៦០គីឡូក្រាម, ទឹកផ្លែឈើ០៤កេះ
, ទឹកបរិសុទ្ធកម្ពុជា០៣កេះ, ទឹកដោះគោឆៅខ្លាឃ្មុំ០១ឡូ និងផ្លែឈើមួយចំនួនទៀត
ដើម្បីជួយសម្រួលដល់ការលំបាកផងដែរ៕
