(ស្វាយរៀង)៖ ទេសរដ្ឋមន្ត្រី ហ៊ឹម ឆែម ប្រធានគណៈកម្មាធិការគណបក្ស ក្រសួងធម្មការ និងសាសនា និងក្រុមការងារចុះជួយឃុំអំពិល ស្រុករមាសហែក ខេត្តស្វាយរៀង នៅរសៀលថ្ងៃទី១១ ខែសីហា ឆ្នាំ២០១៨នេះ បានអញ្ជើញជួបសំណេះសំណាល ជាមួយលោកគ្រូ អ្នកគ្រូពេទ្យ និងប្រគល់សម្ភារ បរិក្ខារពេទ្យមួយចំនួនដល់មន្ទីរពេទ្យបង្អែកស្រុករមាសហែក។
ស្ថិតក្នុងឱកាសនោះ ទេសរដ្ឋមន្ដ្រី ហ៊ឹម ឆែម បានលើកឡើងថា មានតែគណបក្សប្រជាជនកម្ពុជាទេ ដែលមើលឃើញអំពីផលលំបាករបស់បងប្អូន យ៉ាងពិតប្រាដក ជាក់ស្តែងនៅពេលនេះ ក្រុមការងាររបស់គណបក្សប្រជាជនកម្ពុជា បាននាំយកនូវសម្ភារ និងបរិក្ខារពេទ្យមួយចំនួន មកប្រគល់ដល់មន្ទីរដើម្បីពិនិត្យ និងព្យាបាលជូនប្រជាពលរដ្ឋដោយមិនគិតអំពីនិនា្នការនយោបាយ ឬបក្សណាមួយឡើយ។
លោកប្រធានក្រុមការងារ ក៏បាននាំនូវមតិថ្លែងអំណរអរគុណរបស់សម្តេចពញាចក្រី ហេង សំរិន ប្រធានកិត្តិយសគណបក្ស, សម្តេចតេជោ ហ៊ុន សែន ប្រធានគណបក្ស និងលោកស្រីកិត្តិសង្គហបណ្ឌិត ម៉ែន សំអន ប្រធានក្រុមការងារថ្នាក់កណ្តាល ចុះជួយខេត្តស្វាយរៀង ដែលស្រឡាញ់ និងទុកចិត្តមកលើគណបក្សប្រជាជនកម្ពុជា ក្នុងការដឹកនាំប្រទេសសម្រាប់នីតិកាលទី៦ នឹងអាណត្តិបន្តៗទៀត មានគណបក្សប្រជាជនកម្ពុជា គឺមានសន្តិភាព និងការអភិវឌ្ឍលើគ្រប់វិស័យ៕
