(ពោធិ៍សាត់)៖ បុរសម្នាក់បានរងរបួសធ្ងន់ និងត្រូវបានបញ្ជូនមកសង្គោះបន្ទាន់ នៅមន្ទីរពេទ្យបង្អែកខេត្ត ក្រោយយកគ្រាប់ CKC មកកែច្នៃធ្វើជាបណ្តូលស្នឹងចងក្របី។
ហេតុការណ៍នេះបានកើតឡើងកាលពីវេលាម៉ោង៥៖៣០នាទីល្ងាច ថ្ងៃទី០៩ ខែសីហា ឆ្នាំ២០១៨ ត្រុង់ចំណុចភូមិទួលម្កាក់ សង្កាត់រលាប ក្រុងពោធិ៍សាត់ ខេត្តពោធិ៍សាត់។
សមត្ថកិច្ចបានឲ្យដឹងថា ជនរងគ្រោះ មានឈ្មោះ ព្រំ ឃឿន អាយុ២៨ឆ្នាំ រស់នៅភូមិកើតហេតុខាងលើ បានយកគ្រាប់ធុន CKCឡង់ ចំនួន១គ្រាប់ ដែលរើសបាន មកច្នៃធ្វើជាបណ្តូលស្នឹងចងក្របី រួចយកពូថៅដំ ក៏បណ្តាលឲ្យផ្ទុះរបួសធ្ងន់ ដាច់ម្រាមដៃតែម្តង។
បច្ចប្បន្នជនរងគ្រោះ ត្រូវបានសមត្ថកិច្ច និងប្រជាពលរដ្ឋបញ្ជូនទៅសង្គ្រោះ នៅមន្ទីរពេទ្យបង្អែកពោធិ៍សាត់៕
