(ភ្នំពេញ)៖ វត្តមានតារាប្រុសស្រី ល្បីឈ្មោះជាច្រើនដួង បានត្រៀមខ្លួន ចូលរួមក្នុងកម្មវិធី «ចម្រៀងគ្រួសារខ្មែរ» នៅយប់នេះ តបតាមសំណូមពរ និងការគាំទ្ររបស់ទស្សនិកជន ដែលចង់ឲ្យមានការជួបជុំអ្នកសិល្បៈ ទាំងថ្មីនិងចាស់។
កម្មវិធី «ចម្រៀងគ្រួសារខ្មែរ» ដែលរៀបចំនិងដឹកនាំដោយ តារាចម្រៀងល្បីឈ្មោះ លោក អ៊ុក ណារីម និងអ្នកនាង ឆោម ឆពុំ ពេលនេះកំពុងតែមានការចាប់អារម្មណ៍ច្រើន ពីអ្នកនិយមលេងបណ្តាញសង្គមហ្វេសបុក និងប្រមុខរាជរដ្ឋាភិបាល សម្តេចតេជោ ពោលជារៀងរាល់យប់តែងតែមានការ Comment ពីបងប្អូនប្រជាពលរដ្ឋ និងសម្តេចតេជោ ស្នើរឲ្យអ្នកសិល្បៈបកស្រាយបទចម្រៀង ដែលពិរោះៗ ។
តួយ៉ាងកាលពីយប់មិញនេះ មានវត្តមានតារាប្រុសស្រីទាំងសិល្បករជើងចាស់និងថ្មី ជិត២០រូបចូលរួម បកស្រាយចម្រៀង ដែលសម្តេចតេជោ លោកមានការពេញចិត្តកម្មវិធី ការប្រមូលផ្តុំអ្នកសិល្បៈបកស្រាយចម្រៀង មានភាពជិតដិតឆ្លើយឆ្លងតាមរយៈ Comment និងច្រៀងផ្ទាល់ភ្លាមៗទៅតាមសំណូមពរ។
ដូច្នេះចង់ដឹងថា អ្នកសិល្បៈចាស់ថ្មី ច្រើនដួងដែលចូលរួម កម្មវិធី «ចម្រៀងគ្រួសារខ្មែរ» រៀបចំឡើង ដោយតារាចម្រៀង លោក អ៊ុក ណារីម នឹងមានការជួបជុំនៅយប់ថ្ងៃទី២៧ ខែកក្កដា ចាប់ពីម៉ោង៧:០០នាទី មានតារារូបណាខ្លះ ចូលរួមរង់ចាំទស្សនាទាំងអស់គ្នា៕
