(ភ្នំពេញ)៖ កាលពីថ្ងៃទី២១ និង២២ ខែកក្កដា ឆ្នាំ២០១៨ ជីប ម៉ុង លែន បានប្រារព្ធកម្មវិធីមួយ ដែលមានឈ្មោះថា Special Home Tour by Chip Mong Land នៅគម្រោង ដឹ ផាក លែន ៥៩៨ ស្ថិតតាមបណ្តោយផ្លូវ ៥៩៨ ឬ ផ្លូវឯកឧត្តម ជា សុផារ៉ា រាជធានីភ្នំពេញ។

កម្មវិធីនេះ បង្កើតឡើងក្នុងគោលបំណង អញ្ជើញអតិថិជនទាំងអស់ មកទស្សនាផ្ទះគំរូពិតជាច្រើន ប្រភេទដូចជា វីឡាឃ្វីន, វីឡាឃ្វីនអេ, វីឡាភ្លោះ, វីឡាកូនកាត់អេ, វីឡាកូនកាត់ប៊ី និងផ្ទះអាជីវកម្ម ដែលមានការរចនាម៉ូត ខាងក្នុងយ៉ាងទាន់សម័យ និងណែនាំអំពីគុណភាព នៃសំណង់របស់ ជីប ម៉ុង លែន ផងដែរ។

ស្ថិតក្នុងសំលៀកបំពាក់បែបស្ថាបត្យករ អតិថិជនទាំងអស់ ពិតជារំភើបសំរាប់ដំណើរទស្សនកិច្ច នៅក្នុងការដ្ឋានសំណង់ អមដោយការធ្វើបទបង្ហាញ ដោយបុគ្គលិកផ្នែកលក់ដ៏ប៉ិនប្រសប់។ មិនត្រឹមតែប៉ុណ្ណោះ គ្រប់អតិថិជន ដែលបានចូលរួមសុទ្ធតែទទួលបានកាដូអនុស្សាវរីយ៍ជាច្រើនពី ជីប ម៉ុង លែន ព្រមទាំងគូប៉ុងសាច់ប្រាក់ ដែលមានតម្លៃរហូត $២,០០០។

គួរបញ្ជាក់ផងដែរថា គម្រោង ដឹ ផាក លែន ៥៩៨ មានសាងសង់ជាវីឡាប្រណីត ជាច្រើនប្រភេទ រួមទាំងក្លឹបហាត់ប្រាណ និង ផ្សារទំនើបក្នុងគម្រោងផ្ទាល់តែម្តង។ ជីប ម៉ុង លែន ប្តេជ្ញានាំមកជូននូវកម្មវីធីពិសេសៗ សប្បាយៗ បន្ថែមទៀត សម្រាប់អតិថិជនចាស់និងអតិថិជនថ្មី។ ជីប ម៉ុង លែន ជឿជាក់ក្នុងការរស់នៅ !