(បន្ទាយមានជ័យ)៖ នៅថ្ងៃសៅរ៍ទី២១ ខែកក្កដា ឆ្នាំ២០១៨ លោក គោស៊ុ សារឿត បេក្ខជនតំណាងរាស្រ្ត តំណាងនាយឧត្តមសេនីយ៍ កែ គឹមយ៉ាន សមាជិកអចិន្រ្តៃយ៍គណៈកម្មាធិការកណ្តាល អ្នកតំណាងរាស្រ្ត និងជាប្រធានក្រុមការងារថ្នាក់កណ្ដាលចុះជួយខេត្តបន្ទាយមានជ័យ អមដំណើរដោយក្រុមការងារថ្នាក់ជាតិ ខេត្ត ក្រុង ស្រុក និងមូលដ្ឋាន បានអញ្ជើញជាអធិបតីជួបសំណេះសំណាល ជាមួយសមាជិកមកពីបីឃុំរួមមាន៖ ឃុំចង្ហា ឃុំសូភី និងឃុំសឹង្ហ នៅវត្តសម្ភារជ្រៃឈូក ឃុំចង្ហា ស្រុកអូរជ្រៅ ខេត្តបន្ទាយមានជ័យ ដែលមានអ្នកចូលរួមជាង២៥០០នាក់។
ក្នុងឱកាសនោះ ក្នុងនាមនាយឧត្តមសេនីយ៍ កែ គឹមយ៉ាន,លោក គោស៊ុ សារឿត បានមានមតិសំណេះសំណាល និងពាំនាំការផ្ដាំផ្ញើសួរសុខទុក្ខ ពីសំណាក់ថ្នាក់ដឹកនាំកំពូលរបស់ជាតិ និងបក្សមាន សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្ស, សម្ដេចពញាចក្រី ហេង សំរិន ប្រធានរដ្ឋសភា និងប្រធានកិត្តិយសគណបក្ស។
ក្នុងឱកាសនោះដែរលោក គោស៊ុ សារឿត បានបន្ថែមថា កម្ពុជាមានសុខសន្តិភាព និងរីកចម្រើនមកទល់សព្វថ្ងៃ គឺដោយសារការដឹកនាំលើផ្លូវត្រូវរបស់គណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា និងទទួលបានគោរពស្រឡាញ់ ជឿទុកចិត្ត និងគាំទ្រពីប្រជាពលរដ្ឋកម្ពុជា។
ជាមួយគ្នានេះ ក្នុងនាម នាយឧត្តមសេនីយ៍ កែ គឹមយ៉ាន, លោក គោស៊ុ សារឿត បានថ្លែងអំណរគុណ និងដឹងគុណដល់សមាជិក សមាជិកាទាំងអស់ នៃគ្រូសារអ្នកស្រុកអូរជ្រៅ ដែលបានចូលរួមថែរក្សា គាំទ្រសន្តិភាព ជាមួយគណបក្សប្រជាជនកម្ពុជា ហើយសូមបន្តថែរក្សាសន្តិភាពនេះ សូមអញ្ជើញទៅបោះឆ្នោតគាំទ្រគណបក្សប្រជាជនកម្ពុជា បន្តទៀតនៅថ្ងៃទី២៩ ខែកកក្កដា ឆ្នាំ២០១៨ រូបសញ្ញាទេវតាបាចផ្កា នៅលំដាប់លេខរៀងទី២០ ស្រួលចាំ ស្រួលគិត ស្រួលគូស ដើម្បីសម្តេចតេជោហ៊ុន សែន បន្តអភិវឌ្ឍសេដ្ឋកិច្ច-សង្គម ឱ្យកាន់តែរីកចម្រើនខ្លាំងក្លា មានផ្លូវគមនាគមន៍ស្អាត និងអគ្គិសនីប្រើប្រាស់គ្រប់ភូមិមានតំលៃថោក៕
