(ហាណូយ)៖ អាជ្ញាធរវៀតណាម​នៅថ្ងៃស្រុកនេះ​បានឱ្យដឹងថា គ្រោះទឹកជំនន់​ដែលបង្កឡើងដោយ​ព្យុះទីហ្វុង​សុនទិញ (Son Tinh) បានផ្ដាច់​ជីវិតមនុស្ស ​០២នាក់ និង០២នាក់បានបាត់ខ្លួន​នៅក្នុងខេត្ត​ថាញ់ហាវ (Thanh Hoa) ភាគកណ្ដាល​ប្រទេស​វៀតណាម។ នេះបើតាម​ការចេញ​ផ្សាយដោយ​ទីភ្នាក់ងារ​ព័ត៌មានចិន ស៊ីនហួរ នៅរសៀលថ្ងៃសុក្រ ទី២០ ខែកក្កដា ឆ្នាំ២០១៨។

មនុស្សបួននាក់​ខាងលើ​ គឺជាសមាជិកក្នុង​គ្រួសារតែមួយ​រស់នៅក្នុង​ស្រុក ឡាងឆាញ់ (Lang Chanh)។ អាជ្ញាធវៀតណាម​បញ្ជាក់ទៀត​ថា សាក សព​ស្ត្រីម្នាក់​អាយុ ៧៥ឆ្នាំ និងបុរសម្នាក់​អាយុ ៤០ឆ្នាំ ត្រូវបាន​គេរកឃើញ ហើយ​មនុស្សពីរនាក់​ផ្សេងទៀត ​ក្នុងនោះរួមមានស្ត្រី​អាយុ ២៨ឆ្នាំម្នាក់ និងក្មេងស្រីអាយុ ០៤ឆ្នាំម្នាក់ទៀត​បានបាត់ខ្លួន។

គួរជម្រាបថា ក្នុងរយៈពេលពាក់​កណ្ដាលឆ្នាំដំបូង​ក្នុងឆ្នាំ២០១៨នេះ គ្រោះមហន្តរាយ​ធម្មជាតិ​មានដូចជា​ទឹកជំនន់ និងគ្រោះ​រអិលបាក់ដី បានសម្លាប់មនុស្ស និងបាត់ខ្លួន ៣៣នាក់ និង ៤៧នាក់រងរបួស។ ចំណែកឯ​ផ្ទះ១៥,០០០ខ្នង ត្រូវបានបំផ្លាញ និងខូចខាត ហើយផ្ទៃដី​ជិត ១១,០០០ហិកតា ត្រូវបំផ្លាញ​ដោយគិតជាទឹកប្រាក់​ស្មើនឹងជាង ៣៥.៦លានដុល្លារ៕