(បន្ទាយមានជ័យ)៖ នៅថ្ងៃទី១៤ ខែកក្កដា ឆ្នាំ២០១៨ នាយឧត្តមសេនីយ៍ កែ គឹមយ៉ាន សមាជិកអចិន្រ្តៃយ៍គណៈកម្មាធិការកណ្តាល អ្នកតំណាងរាស្រ្ត ប្រធានក្រុមការងារថ្នាក់កណ្ដាលចុះជួយ ខេត្តបន្ទាយមានជ័យ និងលោកស្រី ម៉ៅ ម៉ាល័យ កែ គឹមយ៉ាន ប្រធានកិត្តិយសសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តបន្ទាយមានជ័យ អមដំណើរដោយក្រុមការងារថ្នាក់ជាតិ ខេត្ត ក្រុង ស្រុក និងមូលដ្ឋាន អញ្ជើញជាអធិបតីសម្ពោធដាក់ឲ្យដំណើរការនូវកុដ្ឋថ្មី១មាន៥បន្ទប់តំលៃ៧២០០០ដុល្លារ និងអគារបឋមសិក្សាខ្ចាស់១ខ្នង៥បន្ទប់ តំលៃ៥០០០០ដុល្លារ ដង្ហែរបុណ្យផ្កាប្រាក់ និងទៀនវស្សា វេរប្រគេនដល់ព្រះសង្ឃក្នុងវត្តប្រាសាទស្រះកណ្តាល (ខ្ចាស់) ឃុំបុស្បូវ ស្រុកព្រះនេត្រ និងបន្តជួបសំណេះសំណាលជាមួយសមាជិក សមាជិកា ចំនួនជាង៣០០០នាក់។
ក្នុងឱកាសនោះ នាយឧត្តមសេនីយ៍ កែ គឹមយ៉ាន បានមានមតិសំណេះសំណាល និងពាំនាំការផ្ដាំផ្ញើសួរសុខទុក្ខ ពីសំណាក់ថ្នាក់ដឹកនាំកំពូលរបស់ជាតិ និងបក្សរួមមាន៖ សម្ដេចតេជោ ហ៊ុន សែន នាយករដ្ឋមន្រ្តី និងជាប្រធានគណបក្ស និងសម្ដេចពញាចក្រី ហេង សំរិន ប្រធានរដ្ឋសភា និងប្រធានកិត្តិយសគណបក្ស។
ក្នុងឱកាសនោះដែរ នាយឧត្តមសេនីយ៍ កែ គឹមយ៉ាន មានថ្លែងបន្តថា ក្រោមយុទ្ធសាស្រ្តឈ្នះឈ្នះ និងសុខដុមរមនីយកម្ម ដឹកនាំដោយសម្តេចតេជោ ហ៊ុន សែន ប្រទេសជាតិមានសុខសន្តិភាព និងការអភិវឌ្ឍលើគ្រប់វិស័យ ប្រជាពលរដ្ឋគ្រប់រូបមានសិទ្ឋិសេរីភាពជ្រើសរើសជំនឿសាសនាដែលខ្លួនពេញចិត្ត ទោះបីជាប្រជាពលរដ្ឋមានជំនឿសាសនាខុសគ្នា គឺអាចរួមរស់នៅជាមួយគ្នាដោយសុខសន្តិភាព សេរីភាពពេញលេញ មិនប្រកាន់វណ្ណៈ ឋានៈអ្វីឡើយ។
ជាមួយគ្នានេះ នាយឧត្តមសេនីយ៍ កែ គឹមយ៉ាន បានថ្លែងអំណរគុណ និងដឹងគុណដល់សមាជិក សមាជិកាទាំងអស់ នៃមហាគ្រូសារអ្នកបន្ទាយមានជ័យ ដែលបានបោះឆ្នោតគាំទ្រគណបក្ស ប្រជាជនកម្ពុជា ដឹកនាំដោយសម្តេចតេជោ ហ៊ុន សែន គ្រប់ៗអាណត្តិកន្លងមក ហើយសូមអញ្ជើញទៅបោះឆ្នោតគាំទ្របន្តទៀតនៅថ្ងៃទី២៩ ខែកកក្កដា ឆ្នាំ២០១៨ នៅលំដាប់លេខរៀងទី២០ ងាយចាំ ងាយគិត ស្រួលគូស ដើម្បីសម្តេចតេជោ ហ៊ុន សែន បន្តអភិវឌ្ឍសេដ្ឋកិច្ច-សង្គម ឱ្យកាន់តែរីកចម្រើនខ្លាំងក្លា ចំណូលកសិករ អាជីវករ បងប្អូនក្មួយជាកម្មករ-កម្មការិនីទាំងអស់ទទួលបានប្រាក់ខែ និងអត្ថប្រយោជន៍ផ្សេងៗកាន់តែច្រើន និងមានអគ្គិសនីប្រើប្រាស់គ្រប់ភូមិតម្លៃប្រើប្រាស់កាន់តែថោកបន្ថែមទៀត។
ជាមួយគ្នានេះដែរ ភ្ជាប់ជាមួយនឹងសុទ្ធាជ្រះថ្លា នាយឧត្តមសេនីយ៍កែ គឹមយ៉ាន និងលោកជំទាវ ម៉ៅ ម៉ាល័យ កែ គឹមយ៉ាន បានវេរប្រគេននូវ៖
ទី១៖ វត្តប្រាសាទស្រះកណ្តាល (ខ្ចាស់) មាន:អង្ករ១០តោន ទៀនវស្សា ផ្កាមាស-ប្រាក់ មី ត្រីខ ត្រីងៀត ទឹកត្រី ទឹកស៊ីអ៊ីវ អំបិល ស្ករស ប៊ីចេង តែ ទឹកក្រូច ទឹកសុទ្ធ ប្រេងម៉ាស្ស៊ូត៣០០លីត្រ។ល។សម្រាប់ព្រះសង្ឃគង់ចាំព្រះវស្សា និងបច្ច័យកសាងវត្តចំនួន៣១៩លាន១៣ម៉ឺនរៀល(ដែលកើតចេញពីបុណ្យផ្កាប្រាក់សាមគ្គីក្រោមការផ្តួចផ្តើមរបស់ឯកឧត្តម កែ គឹមយ៉ាននិងលោកស្រី )
ទី២៖ វត្តឯករង្សីត្របែកប្រគេនស៊ីម៉ង់តិ៍១០តោន និងបច្ច័យ៥លានរៀល៕
