(ភ្នំពេញ)៖​ ដើម្បីធ្វើឲ្យពាក្យស្លោក «ទីក្រុងស្អាត រមណីយដ្ឋានស្អាត សេវាល្អ» កាន់តែប្រសើរឡើង ក្រុមហ៊ុនម៉េម័រហូថេល និងរីសត (Memoire Palace Resort & Spa) ​បានអញ្ជើញយុវតារាល្បីៗ ប្រចាំប្រទេសកម្ពុជា មកលម្ហែកាយនៅក្នុងសណ្ឋាគាររបស់ខ្លួន ហើយ​​​ផ្តល់ជូនដបទឹកនៃក្តីស្រលាញ់ ចំពោះបរិស្ថានម្នាក់មួយដប ដើម្បីអនុញ្ញាតឲ្យពួកគាត់ជួយចែក​​រំលែកនៅលើបណ្តាញសង្គមរបស់ខ្លួន។​

ក្រុមហ៊ុនម៉េម័រហូថេល និងរីសត ជូនដបទឹកដ៏មានតម្លៃដល់យុវតារាកម្ពុជា និងបុគ្គលិកនេះ ដើម្បីចូលរួមផ្សព្វផ្សាយ​ការកាត់បន្ថយសម្រាមផ្លាស្ទីក នៅទីក្រុងទេសចរណ៍ ស្ថាបនិកដែលមានគំនិតសុទិដ្ឋិនិយមរបស់ក្រុមហ៊ុនម៉េម័រហូថេល និងរីសត បានចំណាយធនធាន ដ៏មានតម្លៃរបស់ខ្លួនក្នុងការជាវដបទឹកអាលុយមីញ៉ូម (Refill not Landfill Bottles) ដែលអាចប្រើប្រាស់បានយូរ ក្នុងការរក្សាគុណភាពទឹក ​និងកាត់បន្ថយសម្រាមផ្លាស្ទីកជូនដល់អតិថិជន ព្រមទាំងសហសេវិកម៉េម័រ​ ម្នាក់១ បានយកទៅប្រើប្រាស់ ដើម្បីបញ្ចៀសការចាក់បង្គរសម្រាមនៅក្នុងទីក្រុងទេសចរណ៍ ខេត្តសៀមរាបអង្គរ។

ក្រុមហ៊ុនម៉េម័រហូថែល និងរីសត គឺតែងតែឲ្យតម្លៃដល់យុវតារាកម្ពុជា ហើយឥទ្ធិពលវិជ្ជមានរបស់ពួកគាត់ នឹងធ្វើឲ្យការយល់ដឹងអំពីបរិស្ថានកាន់តែប្រសើរ។

គួរកោតសរសើរផងដែរ ដល់តារាល្បីៗដូចជា កញ្ញា មាន សូនីតា, កញ្ញា ម៉ាក់ សែនសូនីតា,​ កញ្ញា ឌុច សុភា, កញ្ញា សាឡាត់ ស្រីឡាង, លោក Krex Nakhon, លោក Leang Cheachhe និងតារាល្បីជាច្រើននាក់ទៀត។ ពិសេស លោកស្រី នួន ភីមាន ម្ចាស់ពានរង្វាន់ CNN Hero 2008 និង​World Children Award 2015 ក៏ចូលរួមក្នុងការផ្សព្វផ្សាយអំពីបរិស្ថានយ៉ាងផុសផុលនេះផងដែរ។

សូមអញ្ជើញមកស្នាក់នៅជាមួយសណ្ឋាគារ ម៉េម័រគ្រុប ដើម្បីអាចអនុញ្ញាតឲ្យក្រុមហ៊ុននេះ អាច​ចែករំលែកដបទឹកនៃក្តីស្រលាញ់ចំពោះបរិស្ថានបានកាន់តែច្រើន៕