ទស្សនាវិដេអូ Highlight តាមរយៈទូរទស្សន៍ Fresh News ចាប់ពីម៉ោង៩៖៣០នាទី, ១០៖៣០នាទី, ១១៖៣០នាទី, ១២៖៣០នាទី

(ម៉ូស្គូ)៖​ ក្រុមបាល់ទាត់ជម្រើសជាតិប៊ែលហ្ស៊ិក​ បានឡើងទៅប៉ះជើងខ្លាំងមាន់គកបារាំងក្នុងវគ្គពាក់កណ្តាលផ្តាច់ព្រ័ត្រ​ ក្រោយទម្លាក់ អ៊ុយរ៉ាហ្គាយ ២-០ និងទម្លាក់ប្រេស៊ីល ២-១ នៅ​ World Cup 2018។ 

កីឡាករ​ Fernandinho របស់ប្រេស៊ីល​ បានធ្វេសប្រហែសចូលទីខ្លួនឯងនៅនាទីទី១៣​ មុនពេល​ Kevin De Bruyne រកបានគ្រាប់ទី២ ឲ្យប៊ែលហ្ស៊ិក នៅនាទីទី៣១​ កាន់តែកក់ក្តៅ​ បើទោះបីជារបូត១គ្រាប់វិញ នៅវគ្គទី២​ ក្នុងនាទីទី៧៦ក៏ដោយ។

តាមរយ:លទ្ធផលឈ្នះផ្លូវការ​ ២-១​ ធ្វើអោយប៊ែលហ្ស៊ិក​ រកបានជ័យជន្នះជាលើកទី២​ ក្នុងប្រវត្តិជួបប្រេស៊ីល​ ៥ដង​ មិនដែលស្មើ​ និងចាញ់៣ដងនោះ​ដោយបានកក់កៅអី វគ្គ៤ក្រុមចុងក្រោយផងដែរ​ ដោយត្រូវប៉ះមាន់គកបារាំង​ ដែលបានទម្លាក់ អ៊ុយរ៉ាហ្គាយ​ ដោយលទ្ធផល​ ២-០​ ក្នុងវគ្គ៨ក្រុមដែរនោះ។

ក្រុមបាល់ទាត់មាន់គកបារាំង​ បានកក់កៅអីឡើងទៅវគ្គ៤ក្រុម​ ក្រោយទម្លាក់គូប្រជែងមកពីតំបន់អាមេរិកឡាទីន​ អ៊ុយរ៉ាហ្គាយ​ ២-០​។ ការបាត់បង់កីឡាករខ្សែប្រយុទ្ធសំខាន់​ Edinson Cavani ដោយបញ្ហារបួសនោះ​ បានធ្វើអោយអតីតម្ចាស់ជើងឯក​ World Cup ២សម័យមានបញ្ហានៅតំបន់ប្រយុទ្ធជាខ្លាំង​ ខណ:​ Luis Suarez ដែលចាប់ដៃគូជាមួយ​ Christian Stuani ធ្វើមិនបានល្អ​ដូច​ Cavani ឡើយ៕