(ព្រៃវែង)៖ នាយឧត្តមសេនីយ៍ ឥត សារ៉ាត់ ប្រធានគណៈពង្រឹងឃុំកំពង់ប្រាំង និងឃុំកំពង់ពពិល ស្រុកពារាំង ខេត្តព្រៃវែង បានដាស់តឿន ឱ្យប្រជាពលរដ្ឋនៅក្នុងមូលដ្ឋាន សូមកុំជឿតាមការញុះញង់ តាមឧបាយកលបោកប្រាស់របស់ជនអគតិមួយក្តាប់តូច ដែលមានចេតនាបំផ្លិចបំផ្លាញសន្តិភាព ស្ថិរភាពនៅកម្ពុជា ហើយលោកអំពាវនាវឱ្យពលរដ្ឋអញ្ជើញ ទៅចូលរួមបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ ដែលប្រព្រឹត្តឡើងនៅថ្ងៃទី២៩ ខែកក្កដា ខាងមុខនេះ ដើម្បីសន្តិភាព ស្ថិរភាព និងការអភិវឌ្ឍ។
នាយឧត្តមសេនីយ៍ ឥត សារ៉ាត់ បានធ្វើឡើងបែបនេះ នៅថ្ងៃទី២៤ ខែមិថុនា ឆ្នាំ២០១៨នេះ ក្នុងឱកាស លោក បានអញ្ជើញ ជួបសំណេះសំណាល ជាមួយសមាជិកបក្ស នៅក្នុងភូមិខ្សុំត្បូង ភូមិខ្សុំជើង ចំនួន១៥១០នាក់ នៅក្នុងបរិវេណវត្តខ្សុំត្បូង។
លោកប្រធានក្រុមការងារ បានថ្លែងយ៉ាងដូច្នេះថា៖ «សូមឈប់ជឿក្រុមប្រឆាំងតទៅទៀត តើពួកគេបានធ្វើអ្វីខ្លះជូនជាតិ និងប្រជាពលរដ្ឋ ក្រៅពីការញុះញង់ បំបែកបំបាក់ បោកប្រាស់ ឱ្យប្រជាពលរដ្ឋស្អប់រាជរដ្ឋាភិបាល ដែលដឹកនាំដោយគណបក្ស CPP បច្ចុប្បន្ន។ ដើម្បីឆ្លើយតបទៅនឹងអំពើល្អរបស់បក្ស CPP ឯកឧត្តមប្រធានក្រុមការងារ បានធ្វើការអំពាវនាវដល់ប្រជាពលរដ្ឋ សូមទៅបោះឆ្នោតឱ្យបានគ្រប់ៗគ្នា ពិសេសបោះឆ្នោតជូនបក្ស CPP ឈ្នះឆ្នោតដើម្បីមានឱកាសបម្រើជាតិ និងប្រជាពលរដ្ឋឱ្យកាន់តែរីកចម្រើនបន្ថែមទៀត»៕
