(បន្ទាយមានជ័យ)៖ នៅថ្ងៃទី២៣ ខែមិថុនា ឆ្នាំ២០១៨ នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន ប្រធានក្រុមការងារថ្នាក់កណ្ដាល ចុះជួយខេត្តបន្ទាយមានជ័យ ប្រធានកិត្តិយសសមាគមមូលនិធិមនុស្សចាស់ខេត្តបន្ទាយមានជ័យ និងជាអនុប្រធានសមាគមអតីតយុទ្ធជនកម្ពុជា អមដំណើរដោយក្រុមការងារថ្នាក់ជាតិ ខេត្ត ក្រុង ស្រុក និងមូលដ្ឋានបានអញ្ជើញចូលជាអធិបតីជួបសំណេះសំណាលជាមួយប្រជាពលរដ្ឋមកពីឃុំគំរូ និងឃុំថ្មពួក ស្រុកថ្មពួក ខេត្តបន្ទាយមានជ័យ នៅក្នុងបរិវេណផ្សារធំគំរូថ្មី ស្រុកថ្មពួក ដែលមានអ្នកចូលរួម ជាង៤០០០នាក់។
ក្នុងឱកាសនោះ នាយឧត្តមសេនីយ៍ កែ គឹមយ៉ាន បានមានមតិសំណេះសំណាល និងពាំនាំការផ្ដាំផ្ញើសួរសុខទុក្ខ ពីសំណាក់ថ្នាក់ដឹកនាំកំពូលរបស់ជាតិមាន៖ សម្ដេចតេជោ ហ៊ុន សែន នាយករដ្ឋមន្រ្តី នៃកម្ពុជា, សម្ដេចពញាចក្រី ហេង សំរិន ប្រធានរដ្ឋសភា, សម្តេចក្រឡាហោម ស ខេង និងសម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា។
ជាមួយគ្នានេះ នាយឧត្តមសេនីយ៍ កែ គឹមយ៉ាន បានថ្លែងបញ្ជាក់ថា «មានសន្តិភាព ទើបមានការអភិវឌ្ឍរីកចម្រើន និងប្រជាធិបតេយ្យ, បើគ្មានសន្តិភាព កុំនិយាយពីការអភិវឌ្ឍរីកចម្រើន និងប្រជាធិបតេយ្យឲ្យសោះ» ព្រោះគ្មានអ្វីកើតឡើងក្នុងភ្លើងសង្រ្គាមនោះ ដូចនេះសូមបងប្អូនចូលរួមថែរក្សានូវសន្តិភាព ដោយអញ្ជើញទៅបោះឆ្នោតជូនគណបក្សប្រជាជនកម្ពុជា សញ្ញាទេវតាបាចផ្កា មានលំដាប់លេខរៀងទី២០ «ងាយចាំ ងាយគិត ងាយគូស» ដើម្បីសម្តេចតេជោ ហ៊ុន សែន បន្តដឹកនាំកម្ពុជាបន្តមានសន្តិភាព និងបន្តការអភិវឌ្ឍន៍កាន់តែរីកចម្រើនឆាប់រហ័សបន្ថែមទៀត។
ជាវប្បធម៌ចែករំលែក និងគិតគូពីសុខទុក្ខ បងប្អូនប្រជាពលរដ្ឋយើងនៅក្នុងស្រុកថ្មពួក នាយឧត្តមសេនីយ៍ កែ គឹមយ៉ាន បាននាំយកនូវអំណោយ និងថវិកាចែកជូន មាន៖
ទី១៖ ជូនប្រជាពលរដ្ឋចំនួន៣៨៧៩នាក់ ម្នាក់ៗ ទទួលបានសារ៉ុង១
ទី៖ ជូនមនុស្សចាស់ពីអាយុ៧០ឆ្នាំឡើងនៅឃុំគំរូ និងឃុំថ្មពួកចំនួន១៧០នាក់ ម្នាក់ៗទទួលបាន៖ ថវិកា២ម៉ឺនរៀល សារ៉ុង១ បំពង់ទឹកក្ដៅ១ មី ពិល ទឹកដោះគោប្រេងកូឡា ប្រេងខ្យល់ ស្ករស អំបិលអ៊ីយ៉ូតតែ ប្រេងឆា កៅអៀក។ ល។
ទី៣៖ ជូនគណៈកម្មាធិការបក្សឃុំគំរូ និងឃុំថ្មពួក ថវិកា១លានរៀល
ទី៤៖ ជូនមណ្ឌលសុខភាពថ្មពួក៥០ម៉ឺនរៀល៕
