(កំពង់ចាម)៖ កម្លាំងនគរបាល នៃស្នងការដ្ឋាននគរបាលខេត្តកំពង់ចាម នៅយប់ថ្ងៃទី១៦ ខែមិថុនា ឆ្នាំ២០១៨នេះ បានបង្ក្រាបករណីគ្រឿងញៀនមួយកន្លែង នៅចំណុចភូមិក្បាលហុងថ្មី ឃុំល្វាលើ ស្រុកចំការលើ។
ស្នងការនគរបាលខេត្តកំពង់ចាម លោកឧត្តមសេនីយ៍ទោ ឯម កុសល បានឲ្យដឹងថា ប្រតិបត្តិការបង្ក្រាបនេះ បានធ្វើឡើងដោយ កម្លាំងជំនាញស្រុកចំការលើ បានធ្វើការស្រាវជ្រាវ និងបើកកិច្ចប្រតិបត្តិការ បង្ក្រាបករណី ជួញដូរដោយខុសច្បាប់នូវសារធាតុញៀន០១ករណី ដោយប្រើវិធានញុះញង់ ឃាត់ខ្លួនជនសង្ស័យ១៣នាក់។
បើតាមលោកឧត្តមសេនីយ៍ស្នងការ ជនសង្ស័យទី១៖ឈ្មោះ សុះ ម៉ារី ភេទស្រី អាយុ២២ឆ្នាំ, ទី២៖ឈ្មោះ រឿន សាមុត អាយុ២៣ឆ្នាំ, ទី៣៖ឈ្មោះ ហុង ចាន់ទ្រា អាយុ១៧ឆ្នាំ, ទី៤៖ឈ្មោះ ស៊ន គឹមសេង អាយុ៣០ឆ្នាំ, ទី៥៖ឈ្មោះ ឃីម ចានមថា អាយុ៣១ឆ្នាំ, ទី៦៖ឈ្មោះ ហ៊ាង គឹមហុង អាយុ២១ឆ្នាំ, ទី៧៖ឈ្មោះ ស៊ីម ហ័ង អាយុ១៩ឆ្នាំ, ទី៨៖ឈ្មោះ ហោ ពេជ្រ អាយុ១៩ឆ្នាំ, ទី៩៖ឈ្មោះ ស៊ុយ រៀម អាយុ១៨ឆ្នាំ, ទី១០៖ឈ្មោះ តឹក សារ៉ន អាយុ៣៩ឆ្នាំ, ទី១១៖ឈ្មោះ តឹក សារ៉ា អាយុ៣២ឆ្នាំ, ទី១២៖ឈ្មោះ អ៊ន ដាលីន អាយុ២១ឆ្នាំ និងទី១៣៖ឈ្មោះ នុប ធារ៉ុង អាយុ២៨ឆ្នាំ។
ក្នុងប្រតិបត្តិការនោះ កម្លាំងជំនាញដកហូតបាន ម្សៅក្រាមពណ៌សស០១កញ្ចប់ធំ ម៉ូតូ០៧គ្រឿង ទូរស័ព្ទដៃ០៩គ្រឿង ឧបករសេព និងសម្ភារវេចខ្ចប់មួយចំនួនធំ៕
