(បន្ទាយមានជ័យ)៖ នៅព្រឹកថ្ងៃទី១៧ ខែមិថុនា ឆ្នាំ២០១៨ នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី សមាជិកអចិន្ត្រៃយ៍គណៈកម្មាធិការកណ្ដាល នៃគណបក្សប្រជាជនកម្ពុជា និងប្រធានក្រុមការងារថ្នាក់កណ្ដាលចុះជួយខេត្តបន្ទាយមានជ័យ បានចូលជាអធិបតីដឹកនាំកិច្ចប្រជុំបូកសរុបលទ្ធផលវគ្គជីវភាពនយោបាយ២០ ឧសភា ឆ្នាំ២០១៨ និងលើកទិសដៅភារកិច្ចឆ្ពោះ ទៅកាន់ការបោះឆ្នោត ជ្រើសតាំងតំណាងរាស្រ្តនីតិកាលទី៦ ដោយមានការអញ្ជើញពីថ្នាក់ជាតិ ខេត្ត ក្រុង ស្រុក និងថ្នាក់មូលដ្ឋានគ្រប់លំដាប់ថ្នាក់ នៅទីស្នាក់ការបក្សខេត្តបន្ទាយមានជ័យ។
ក្នុងឱកាសនោះ នាយឧត្តមសេនីយ៍ កែ គឹមយ៉ាន បានមានមតិសំណេះសំណាល និងពាំនាំការផ្ដាំផ្ញើសួរសុខទុក្ខ និងកោតសសើរពីសំណាក់ថ្នាក់ដឹកនាំកំពូលជាតិមាន៖ សម្ដេចតេជោ ហ៊ុន សែន នាយករដ្ឋមន្រ្តី សម្ដេចពញាចក្រី ហេង សំរិន ប្រធានរដ្ឋសភា, សម្តេចក្រឡាហោម ស ខេង, សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា។
ក្នុងឱកាសនោះដែរ នាយឧត្តមសេនីយ៍ កែ គឹមយ៉ាន បានសាទរ និងកោតសសើរចំពោះកិច្ចខិតខំប្រឹងប្រែងរបស់សមាជិក សមាជិកា ក្រុមការងារចុះជួយបក្សគ្រប់ជាន់ថ្នាក់ឈរលើស្មារតីស្មោះត្រង់ ឯកភាពផ្ទៃក្នុង សាមគ្គីភាព លះបង់ ទទួលខុសត្រូវ ដើរតាមគោលនយោបាយបក្សប្រជាជនកម្ពុជានិងរាជរដ្ឋាភិបាលដឹកនាំដោយសម្តេចតេជោហ៊ុន សែន នាំមកនូវសន្តិភាព និងការរីកចម្រើនជូនជាតិនិងមូលដ្ឋានយើង។
ជាមួយគ្នានេះ នាយឧត្តមសេនីយ៍ កែ គឹមយ៉ាន បានថ្លែងអំណរគុណដល់សមាជិ សមាជិកាទាំងអស់ និងបានណែនាំនូវការងារពាក់ព័ន្ធនឹងដំណើរឆ្ពោះទៅរកការបោះឆ្នោត ជ្រើសតាំងតំណាងរាស្រ្តនីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨ ខាងមុខ។
ជាការលើកទឹកចិត្ត នាយឧត្តមសេនីយ៍ កែ គឹមយ៉ាន បានផ្តល់ជូន៖
ទី១៖ ឧបត្ថម្ភ ក្រុង/ស្រុកទាំង៩ ក្នុង១ក្រុង/ស្រុកៗ ទទួលបានប្រេងសាំង២០០លីត្រ
ទី២៖ ឧបត្ថម្ភ ឃុំ/សង្កាត់ទាំង៦៥ ក្នុង១ ឃុំ/សង្កាត់ៗ ទទួលបានប្រេងសាំង២០០លីត្រ និងថវិកា១លានរៀល
ទី៣៖ ឧបត្ថម្កក្រុមសកម្មជនយុវជនឃុំ/សង្កាត់ ក្នុង១ឃុំ/សង្កាត់ៗ ទទួលបានប្រេងសាំង ១០០លីត្រ
ទី៤៖ ឧបត្ថម្ភជូនភូមិទាំង៦៦៧ភូមិ ក្នុង១ភូមិៗទទួលបានថវិកា២០ម៉ឺនរៀល
ទី៥៖ ជូនប្រធានភូមិទាំង៦៦៧នាក់ ក្នុងម្នាក់ៗទទួលបានសារ៉ុង១ និងថវិកា៤ម៉ឺនរៀល៕
