(ភ្នំពេញ)៖ គណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប បានចេញសេចក្តីប្រកាសព័ត៌មានជាផ្លូវការថា គិតត្រឹមថ្ងៃទី១៥ ខែមិថុនា ឆ្នាំ២០១៨នេះ ការបោះពុម្ពសន្លឹកឆ្នោត គឺសម្រេចបាន៥០ភាគរយហើយ។ ជាមួយគ្នានេះ គ.ជ.ប ក៏គ្រោងនឹងបញ្ចប់ការបោះពុម្ពសន្លឹកឆ្នោតយ៉ាងយូរ នៅថ្ងៃទី១០ ខែកក្កដា ឆ្នាំ២០១៨។ នេះបើយោងតាមសេចក្តីប្រកាសព័ត៌មានរបស់ គ.ជ.ប ដែលបណ្តាញព័ត៌មាន Fresh News ទទួលបាននៅរសៀលថ្ងៃទី១៥ ខែមិថុនា ឆ្នាំ២០១៨នេះ។
លោក ឌឹម សុវណ្ណរុំ សមាជិក និងជាអ្នកនាំពាក្យ គ.ជ.ប បានថ្លែងថា គ.ជ.ប បានបោះពុម្ពសន្លឹកឆ្នោតចំនួន១៤ ខេត្តរួចរាល់ហើយនៅថ្ងៃនេះ ដោយឡែករាជធានី-ខេត្ត ចំនួន១១ផ្សេងទៀត កំពុងធ្វើការបោះពុម្ព។ តាមគម្រោង គ.ជ.ប ត្រូវបោះពុម្ពសន្លឹកឆ្នោតចំនួន១០,៥២៥,៦៥០ សន្លឹកក្នុងនោះរួមមាន៖
* សន្លឹកឆ្នោតតាមការិយាល័យមានចំនួន៩,៥៣០,៤៥០សន្លឹក
* សន្លឹកឆ្នោតគំរូ សម្រាប់យកទៅបណ្តុះបណ្តាលមានចំនួន ៣២៩,២០០សន្លឹក៕
សម្រាប់ព័ត៌មានលម្អិត សូមអានសេចក្តីប្រកាសព័ត៌មានរបស់ គ.ជ.ប ដូចខាងក្រោម៖
