(បាត់ដំបង)៖ ភ្នាក់ងារ Fresh News ប្រចាំខេត្តបាត់ដំបង បានរាយការណ៍ថា លោក ឯម វិចិត្រ អនុប្រធានមន្ទីរបរិស្ថានខេត្តបាត់ដំបង បានជួបគ្រោះថ្នាក់ចរាចរណ៍ក្រឡាប់រថយន្ដ នៅល្ងាចថ្ងៃទី០៩ ខែមិថុនា ឆ្នាំ២០១៨នេះ នៅចំណុចភូមិត្រពាំងដងទឹក ឃុំហប់ ស្រុកគាស់ក្រឡ ខេត្តបាត់ដំបង។
បើតាមសេចក្ដីរាយការណ៍ លោក ឯម វិចិត្រ អាយុ៥៥ឆ្នាំ រស់នៅភូមិនរា២ ឃុំនរា ស្រុកសង្កែ បានបើកបររថយន្ត Ford Ranger ពណ៌ស ពាក់ស្លាកលេខរដ្ឋ2-0029 បានក្រឡាប់ចូលក្នុងប្រឡាយទឹកបណ្ដាលឲ្យស្លាប់ នៅកន្លែងកើតហេតុតែម្ដង។
ក្រោយហេតុការណ៍ក្រុមគ្រួសារ បានយកសពលោកអនុប្រធានមន្ទីរបរិស្ថានខេត្ត ទៅធ្វើបុណ្យតាមប្រពៃណីនៅគេហដ្ឋាន៕
