(ភ្នំពេញ)៖ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៅថ្ងៃទី០៧ ខែមិថុនា ឆ្នាំ២០១៨នេះ បានព្រះរាជអនុញ្ញាតឲ្យគណៈប្រតិភូសមាគមនារីកម្ពុជាក្រសួងព័ត៌មាន ចូលថ្វាយបង្គំគាល់ ថ្វាយព្រះពរចម្រើនព្រះជន្ម គម្រប់៨២ព្រះវស្សា យាងចូល៨៣ព្រះវស្សា។
ការចូលថ្វាយបង្គំគាល់នេះ ដឹកនាំដោយលោកស្រី ទេព រង្ស៊ី ខៀវ កាញារីទ្ធ ប្រធានកិត្តិយសសមាគមនារីកម្ពុជា ក្រសួងព័ត៌មាន និងមានការចូលរូមពីថ្នាក់ដឹកនាំ សមាជិក សមាជិកាជាច្រើនរូបទៀតផងដែរ៕
