(ភ្នំពេញ)៖ ភោជនីយដ្ឋាន Urban Kitchen ចាយទុនជាង១០ម៉ឺនដុល្លារ បានបើកសម្ពោធ នៅផ្សារទំនើប AEON សែនសុខ ដើម្បីបំពេញនូវតម្រូវការរបស់ភ្ញៀវ ដែលចូលមកកំសាន្ត ជាលក្ខណៈគ្រួសារ ឬមិត្តភក្តិ អាចមកភ្លក់នូវរសជាតិម្ហូបបែប Cheese និងម្ហូបបែបខ្មែរបាន ដោយមានសេវាកម្មរហ័សជូនដល់ភ្ញៀវកិត្តិយស។

សម្រាប់ភ្ញៀវដែលតែងតែចូលចិត្តដើរកំសាន្តនៅក្នុងផ្សារទំនើប AEON សែនសុខ លែងព្រួយបារម្ភហើយក្នុងការជ្រើសរើស សម្រាប់អាហារដែលមានរសជាតិឆ្ងាញ់ គឺមាននៅភោជនីយដ្ឋាន Urban Kitchen ដែលទើបបើកសម្ពោធ ចាប់ពីថ្ងៃទី០១ ខែមិថុនា ឆ្នាំ២០១៨។

ម្ចាស់ភោជនីយដ្ឋាន​ ​Urban kitchen​ អ្នកស្រី​ ហេង​ សៀកឃីម​ បានឲ្យដឹងថា​ ភោជនីយដ្ឋានមួយនេះ​ ចាយទុនជាង១០ម៉ឺនដុល្លារ​ ភោជនីយដ្ឋាន គឺមានការផ្តល់ជូនអាហារក្នុងស្រុក​ ដែលមានរសជាតិឆ្ងាញ់​ សម្រាប់អតិថិជន​ ជាមួយតម្លៃសមរម្យ​ ហើយយើងក៏មានចុងភៅបរទេស​ ដែលមានបទពិសោធន៍​យូរមិនតិចជាង២៥ឆ្នាំទេ​ ហើយបើនិយាយពី​ឆ្អឹងជំនីជ្រូកវិញ​ គឺចុងភៅចម្អិនមិនតិចជាង៤ម៉ោងនោះទេ។​

អ្នកស្រីបន្តថា​ ដូច្នេះប្រសិនបើទស្សនិកជន​ចង់ដឹងថា​ ភោជនីយដ្ឋាន​មានអ្វីពិសេស​ និងរសជាតិម្ហូមឆ្ងាញ់ប្លែកទាក់ទាញ​យ៉ាងណា​ កុំភ្លេចមកភ្លក់រស់ជាតិទាំងអស់គ្នាបាន នៅ ភោជនីយដ្ឋាន Urban Kitchen៕