(ភ្នំពេញ)៖ លោកស្រី ម៉ាន ម៉ារីយ៉ាន អ្នកជំនួញវ័យក្មេងស្រ្តីខ្មែរឥស្លាមកម្ពុជា បានទទួលគោរពងារជា Dato’ (ឧកញ៉ា) នៅប្រទេសម៉ាឡេស៊ី។
លោកស្រី ម៉ាន ម៉ារីយ៉ាន ត្រូវបានគេស្គាល់ថា ជាម្ចាស់សណ្ឋាគារ ម៉ារីយ៉ា និងជានាយកាក្រុមហ៊ុនវាសនាស ម៉ារីយ៉ា អិនវេសមេន គ្រុប ដែលជាពាណិជ្ជកានីខ្មែរឥស្លាមកម្ពុជា និងត្រូវជាភរិយាលោកឧកញ៉ា លី វាសនា បានទទួលគោរពងារជា Dato’ (ឧកញ៉ា) ពីព្រះចៅស៊ុលតង់បាហាំង នៃប្រទេសម៉ាឡេស៊ី តាមព្រះរាជក្រឹត្យ ចុះថ្ងៃទី ១២ ឧសភា ឆ្នាំ២០១៨។
ក្រៅតែពីការងារជំនួញ និងជាសមាជិកសភាពាណិជកម្មកម្ពុជាហើយនោះ លោកស្រី ម៉ាន ម៉ារីយ៉ាន តែងតែចូលរួមក្នុងសកម្មភាពមនុស្សធម៌នានាទាំងក្នុង និងក្រៅប្រទេស
ផងដែរ។ លើសពីនេះ លោកស្រីក៏ជាសមាជិកក្រុមការងារគណបក្សប្រជាជនកម្ពុជា ចុះជួយស្រុកត្បូងឃ្មុំ និងជាអនុប្រធានក្រុមការងារចុះជួយឃុំគរ ស្រុកត្បូងឃ្មុំ ខេត្តត្បូងឃ្មុំផងដែរ៕
