(ភ្នំពេញ)៖ យ៉ាងហោចណាស់ មានមនុស្សប្រមាណ១៤១នាក់បានស្លាប់ និងរងរបួសចំនួន៣១៨នាក់ ក្នុងនោះរបួសធ្ងន់ចំនួន២២៣នាក់ និងរបួសស្រាលចំនួន៩៥នាក់ ក្នុងករណីគ្រោះថ្នាក់ចរាចរណ៍ ពេញ១ខែឧសភា ឆ្នាំ២០១៨។ នេះបើយោងតាមរបាយការណ៍ របស់នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
យោងតាមរបាយការណ៍បានឲ្យដឹងទៀតថា ក្នុងរយៈពេលពេញ១ខែឧសភានេះ គ្រោះថ្នាក់ចរាចរណ៍នេះ បានកើនឡើងចំនួន២៥៥លើក និងបណ្ដាលខូតខាតម៉ូតូចំនួន២៣០គ្រឿង, រថយន្ដធុនតូចចំនួន១៣៤គ្រឿង, រថយន្ដធុនធំ៧២គ្រឿង, យានផ្សេងៗ១៥គ្រឿង និងអ្នកថ្មើជើង២២នាក់ ហើយមូលហេតុដែលបណ្ដាលឲ្យ មានករណីគ្រោះថ្នាក់ចរាចរណ៍រួមមាន៖ ល្មើសល្បឿនចំនួន៩៧លើក, ស្រវឹងចំនួន១៣លើក, ប្រជែងចំនួន២៤លើក, មិនប្រកាន់ស្ដាំចំនួន២២លើក, មិនគោរពសិទ្ធិចំនួន៤៨លើក, បត់គ្រោះថ្នាក់ចំនួន៣៧លើក, កត្តាយានយន្ដចំនួន៩លើក, កត្តាផ្លូវ១លើក និងងងុយដេកចំនួន៤លើក។
ក្នុងនោះរាជធានី-ខេត្ត ដែលបណ្ដាលឲ្យមានករណីគ្រោះថ្នាក់ចរាចរណ៍ច្រើនជាងគេរួមមាន៖ រាជធានីភ្នំពេញ កើតឡើងចំនួន៥៧លើក, ខេត្តកំពង់ធំ កើតឡើងចំនួន១០លើក ខេត្តកណ្ដាល កើតឡើងចំនួន១៧លើក, ខេត្តព្រះសីហនុ កើតឡើងចំនួន១៤លើក, ខេត្តសៀមរាប កើតឡើងចំនួន៧លើក, ខេត្តស្វាយរៀង កើតឡើងចំនួន១៥លើក, ពោធិ៍សាត់កើតឡើងចំនួន៨លើក៕
