(ភ្នំពេញ)៖ មេដាយមាស និងមាសកំពូលសរុបបួនមេដាយរបស់ ក្រុមហ៊ុន ខ្មែរ ប៊ែវើរីជីស ដែលទទួលបានពីប្រទេសអេស្ប៉ាញ បានមកដល់ប្រទេសកម្ពុជាកាលពីព្រឹកថ្ងៃទី២៦ ខែឧសភា ឆ្នាំ ២០១៨។
លោក លាង ពៅ(ភីធើរ) អគ្គនាយកក្រុមហ៊ុន ខ្មែរ ប៊ែវើរីជីស ដែលបានអញ្ជើញទៅប្រទេសអេស្ប៉ាញទទួលមេដាយនេះ បានមានប្រសាសន៍ថា «ការមកដល់នៃមេដាយអន្តរជាតិទាំងបួននេះ គឺជាការមកដល់នៃការធានាគុណភាពលំដាប់អន្តរជាតិសម្រាប់ផលិតផលទាំងបួនរបស់ ក្រុមហ៊ុន ខ្មែរ ប៊ែវើរីជីស»។
លោកបន្តថា «ប្រជាពលរដ្ឋខ្មែរយើង គួរជ្រើសរើសផលិតផលណា ដែលទទួលស្គាល់គុណភាព ដោយពិភពលោក ទើបជាការប្រសើរ»។
គួរបញ្ជាក់ផងដែរថា ផលិតផលរបស់ក្រុមហ៊ុន ខ្មែរ ប៊ែវើរីជីសដែលទទួលបានមេដាយអន្តរជាតិ រួមមានស្រាបៀរកម្ពុជា វើក និងអាយស៍កូឡា ទទួលបានមេដាយមាស Gold Monde Selection Awards និងអាយស៍ឡេមិនទទួលបានមេដាយមាសកំពូល Grand Gold Monde Selection Award៕
