(រុស្ស៊ី)៖ ​លោក អង្គ វង្សវឌ្ឍនា ​រដ្ឋមន្រ្តីក្រសួងយុត្តិធម៌ បានដឹកនាំគណៈប្រតិភូ ​ទៅចូលរួមវេទិកាច្បាប់អន្ដរជាតិ​ «The VIII Saint Petersburg International Legal Forum» ពីថ្ងៃទី១៥ ដល់​ថ្ងៃទី​១៩ ខែ​ឧសភា ឆ្នាំ២០១៨ នៅទីក្រុង St. Petersburg សហព័ន្ធរុស្ស៊ី ដោយមានការអញ្ជើញចូលរួមពីរដ្ឋមន្រ្តីក្រសួងយុត្តិធម៌ តុលាការកំពូល នៃបណ្តាប្រទេសនានាចំនួន​៩០​។

នៅក្នុងឱកាសនោះ គណៈប្រតិភូកម្ពុជា ក៏បានចូលរួមក្នុងវេទិកាពិភាក្សាទៅលើប្រធានបទមួយចំនួន ដូចជា៖ ការពង្រឹងយុតិធម៌ និងនីតិរដ្ឋ, មជ្ឍត្តិករ,​ វិនិយោគអន្តរជាតិ, នីតិឯកជន, ការដោះស្រាយវិវាទតាមរយៈប្រព័ន្ធអេឡិចត្រូនិច និងបញ្ហាប្រឈមនៃវិជ្ជាជីវៈច្បាប់ នាពេលអនាគតជាមួយ​ភាពឆ្លាតវៃនៃប្រព័ន្ធ Digital៕