(ភ្នំពេញ)៖ ជារឿងមួយដែលនឹកស្មានមិនដល់ ដែលសុខៗស្រាប់តែមានព័ត៌មានថា តារាសម្តែងស្រីល្បីឈ្មោះគួសម ២ដួង គឺ កញ្ញា Jannie Leak និងកញ្ញា អ៊ុក ម៉ាយ៉ាដាវ កំពុងតែសម្ងំលួចលាក់ មានទំនាក់ទំនងស្នេហាភេទដូចគ្នា ជាមួយគ្នា។
តារាដែលបង្ហាញមុខជា ញឹកញាប់តាមកម្មវិធី ទូរទស្សន៍ក្នុងស្រុកនានា កញ្ញា Jannie Leak ក្រោយពីបានបង្ហាញមុខច្រើន បានធ្វើឲ្យទស្សនិកជនមាន ការចាប់អារម្មណ៍នាងច្រើន តួយ៉ាងដូចថ្មីៗនេះ ក្រោយពីនាងបង្ហាញរូបថត ឆ្លុះបញ្ចាំងពីភាពស្និទ្ធស្នាលរវាងនាង និង តារាស្រី កញ្ញា យ៉ាដាវ បានធ្វើឲ្យទស្សនិកជនចាប់អារម្មណ៍ និងចោទសួថាតារាស្រី២ដួង នេះស្រលាញ់គ្នាឬយ៉ាងណា? ហើយរឿងនេះធ្វើឲ្យបុរសៗមិនតិចទេ ខូចចិត្តនិងជ្រួលច្របល់ ចង់ដឹងការពិត។
ការចាប់អារម្មណ៍ និងចោទជាសំណួរ រឿងស្រលាញ់ភេទដូចគ្នា ដែលកំពុងតែបោកបក់ទៅលើម្ចាស់ជ័យលាភីជាប់លេខមួយ ក្នុងកម្មវិធីឈ្មោះ Pne modelling កញ្ញា Jannie Leak និងកញ្ញា អ៊ុក ម៉ាយ៉ាដាវ កើតឡើងក្រោយពីទស្សនិកជនឃើញអ្នកទាំងពីរ អោបថើប និងឧស្សាហ៍បណ្តើរគ្នាចេញកម្មវិធីសង្គម និងកម្មវិធីអ្នកសិល្បៈ យកចិត្តទុកដាក់លើគ្នាទៅវិញទៅមក មើលទៅស្និទ្ធលើសពីមិត្ត ប្រៀបដូចគូស្នេហ៍៕
