(កំពង់ធំ)៖ ​ចាស់ជរាមានអាយុ ពី​៧៥ ដល់​១១២​ឆ្នាំ ចំនួន​១២២នាក់ នៅតាមបណ្តាភូមិមួយចំនួន ក្នុងស្រុកបារាយណ៍ និង​ស្រុកសន្ទុក ខេត្តកំពង់ធំ នៅថ្ងៃទី១៣ ខែឧសភា ឆ្នាំ២០១៨នេះ បានទទួលកញ្ចប់ថវិកាប្រចាំខែ ដែលជាការឧបត្ថម្ភ​របស់ លោកឧកញ៉ា អូស្មាន ហាស្សាន់ រដ្ឋមន្រ្តីប្រតិភូអមនាយករដ្ឋមន្រ្តី។

នេះជាការទទួលកញ្ចប់ថវិកាខែទី៣ ដែលដឹកនាំចុះសាកសួរសុខទុក្ខ និងប្រគល់ ដោយតំណាងសម្ព័ន្ធយុវជនមុស្លិមកម្ពុជា លោក សេន ណាស៊ី សហការចូលរួមដោយ​សម្ព័ន្ធយុវជនមុស្លិមកម្ពុជា ខេត្តកំពង់ធំ​។

ចាស់ជរាដែលទទួលបានកញ្ចប់អំណោយប្រចាំខែ គឺអាយុពី​៧៤ ដល់៨០ឆ្នាំ ទទួលបានកញ្ចប់ថវិកាប្រចាំខែ​៣ម៉ឺនរៀល អាយុពី​៨១ ដល់​៩០​ឆ្នាំ​ ទទួលបាន​៣៥០០០រៀល ពីអាយុ​៩១​ ដល់​១០០ឆ្នាំ ទទួលបាន​៤ម៉ឺនរៀល និង​អាយុ​១០០ឆ្នាំឡើង ទទួលកញ្ចប់ឧបត្ថម្ភប្រចាំខែ​៥ម៉ឺនរៀល៕