(ភ្នំពេញ)៖ ដោយមើលឃើញពីសន្ទុះនៃការអភិវឌ្ឍ ស្របពេលកម្ពុជា​នៅតែ​រក្សាបានកំណើនសេដ្ឋកិច្ច​រឹងមាំ៧,១​ភាគរយ ក្នុងអំឡុង​ឆ្នាំ​២០១៧ និង​ឆ្នាំ​២០១៨ (នេះបើយោងតាមរបាយ​ការណ៍ធនាគារអភិវឌ្ឍន៍អាស៊ី (ADB) ជាពិសេសដើម្បីបំពេញតម្រូវការឥណទានហិរញ្ញវត្ថុដល់ប្រជាពលរដ្ឋ អាជីវករ និងសហគ្រិននានាក្នុងខេត្តបាត់ដំបង ទើបគ្រឹះស្ថានមីក្រូហិរញ្ញវត្ថុ ព្រីនស៍ ហ្វាយនែន ភីអិលស៊ី។

បានរៀបចំនូវយុទ្ធនាការផ្សព្វផ្សាយផលិតផលរបស់ខ្លួន ដែលកំពុងទទួលបានប្រជាប្រិយភាពនាពេលបច្ចុប្បន្ន នៅក្នុងទឹកដីខេត្តបាត់ដំបង
ចាប់ពីថ្ងៃទី៧ ដល់ទី១០ ខែឧសភាខាងមុខនេះ នៅផ្សារធំ, ផ្សារបឹងឈូក, ផ្សារថ្មី, ផ្សារសង្កែ និងសាខាព្រីនស៍ ក្នុងក្រុងបាត់ដំបង ដែលនឹងនាំមកជូនលោកអ្នកនូវល្បែងកម្សាន្តសប្បាយៗ និង​មានរង្វាន់ជាច្រើនទៀត។

លោក​ ហ៊ន់ សុរចនា ប្រធាននាយកប្រតិបត្តិនៅគ្រឹះស្ថានមីក្រូហិរញ្ញវត្ថុ ព្រីនស៍ ហ្វាយ​នែន ភីអិលស៊ី បានថ្លែងថា ​​«សម្រាប់ខេត្តបាត់ដំបង ព្រីនស៍ ហ្វាយនែន ភីអិលស៊ី មានជម្រើសនៃសេវាឥណទានយ៉ាងសម្បូរបែប ដើម្បីផ្តល់ជូនអតិថិជនដូចជា ឥណទានគេហដ្ឋាន, ឥណទានអាជីវកម្ម និងឥណទានប្រើប្រាស់ផ្ទាល់ខ្លួន​ជាដើម»។

ព្រីនស៍ ហ្វាយនែន ភីអិលស៊ី ត្រូវបានបង្កើតឡើងក្នុងនាមជាគ្រឹះស្ថានហិរញ្ញវត្ថុឯកជន ដែលចូលរួមចំណែកក្នុងការអភិវឌ្ឍសេដ្ឋកិច្ចក៏ដូចជា លើកកម្ពស់សុខមាលភាពសង្គមនៅកម្ពុជាតាមរយៈការធ្វើឱ្យប្រសើរឡើងនូវជីវភាពរស់នៅរបស់ប្រជាពលរដ្ឋជាមួយនឹងការជួយផ្ដល់ឥណទាន បង្កើតមុខរបរ​ និងបំពេញតម្រូវការផ្សេងៗ។ ជាពិសេសជួយសហគ្រាសទាំងខ្នាតតូច មធ្យម និងធំឱ្យទទួលលបានជោគជ័យតាមរយៈឥណទាន ពង្រីកអាជីវកម្មជាមួយនឹងលក្ខខណ្ឌពិសេសៗដូចជា៖ ការសងមានជម្រើសច្រើនយ៉ាង និងរយៈពេលវែងហើយអាចសងជួសពីស្ថាប័នដទៃជាមួយ នឹងអត្រាការប្រាក់ល្អសមរម្យ សេវារហ័សទាន់ចិត្ត ងាយស្រួល មានភាពបត់បែន រក្សាការសម្ងាត់ និងសេចក្តីថ្លៃថ្នូរជូនអតិថិជន។

គ្រឹះស្ថានមីក្រូហិរញ្ញវត្ថុ ព្រីនស៍ ហ្វាយនែន ភីអិលស៊ី បានបង្កើតឡើង​នៅខែវិច្ឆិកា​ ឆ្នាំ​​​​​២០១៥ ជាគ្រឹះស្ថានមីក្រូហិរញ្ញវត្ថុ ដែល​ទទួលបាន​ អាជ្ញាប័ណ្ណលេខ ម.ហ-៥៨ ពី ធនាគារ​​​​ជាតិ នៃ​កម្ពុជា ដើម្បី​ធ្វើ​​ប្រតិបត្តិការផ្តល់សេវាកម្មឥណទានជូនអតិថិជន។ រហូតមកដល់ពេលនេះ ព្រីនស៍ ហ្វាយនែន ភីអិលស៊ី មានសាខាចំនួន៦ ដែលមានទីតាំងស្ថិតក្នុង៤ខេត្ត-ក្រុង គឺរាជធានីភ្នំពេញ ខេត្តបាត់ដំបង ខេត្តសៀមរាប និងខេត្តកំពង់ចាម។

សម្រាប់ទិសដៅបន្តបន្ទាប់នាឆ្នាំ២០១៨នេះ ព្រីនស៍ ហ្វាយនែន ភីអិលស៊ី នឹងធ្វើការពង្រីកសាខារបស់ខ្លួនទៅកាន់ខេត្ត-ក្រុង ដែលមានសក្តានុពលជាច្រើនទៀត ដើម្បីបំពេញតម្រូវការអតិថិជនស្របតាមទស្សនៈវិស័យរបស់គ្រឹះស្ថានដើម្បីក្លាយខ្លួនជាស្ថានប័នហិរញ្ញវត្ថុ ដែលជាជម្រើសទីមួយរបស់អតិថិជនជានិច្ច។

សម្រាប់ព័ត៌មានបន្ថែម៖ ការិយាល័យកណ្តាល៖ អាគារលេខ ១៧៥CD សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។ ទូរស័ព្ទលេខ៖ ០២៣​ ៩៩១​ ១៦៨ អ៊ីម៉ែល៖ [email protected], គេហទំព័រ៖ www.princeplc.com.kh៕