(ភ្នំពេញ)៖ គណៈកម្មាធិការជាតិរៀបចំការបោះឆ្នោត (គ.ជ.ប) បញ្ជាក់ថា នៅល្ងាចថ្ងៃទី០២ ខែឧសភា ឆ្នាំ២០១៨ ដែលជាថ្ងៃទី៣ នៃដំណើរការចុះបញ្ជី គណបក្សនយោបាយ ឈរឈ្មោះបោះឆ្នោត ជ្រើសតាំងសមាជិករដ្ឋសភាឆ្នាំ២០១៨ មិនមានគណបក្សនយោបាយមកចុះបញ្ជីឈរឈ្មោះបោះឆ្នោតទេ តែមានគណបក្សនយោបាយចំនួន០៣ផ្សេងទៀត បានមកទទួលពាក្យសុំចុះបញ្ជីឈ្មោះ។ នេះបើតាមសេចក្តីប្រកាសព័ត៌មានរបស់ គជប ដែល Fresh News ទើបទទួលបាន។
រយៈពេល៣ថ្ងៃនេះ មានគណបក្សនយោបាយ៣ហើយ ដែលបានចុះបញ្ជីរួចរួមមាន៖ គណបក្សយុវជនកម្ពុជា, គណបក្សប្រជាជនកម្ពុជា និងគណបក្សសញ្ជាតិកម្ពុជា។
សូមជម្រាបថា ក្រៅពីគណបក្សនយោបាយចំនួន៣ខាងលើ ក៏មានគណបក្សនយោបាយចំនួន១៤ផ្សេងទៀត ក៏បានទទួលទម្រង់បែបបទ (ទ.១០០៨) ពីគ.ជ.ប ផងដែរ។
សូមអានសេចក្តីប្រកាសព័ត៌មានទាំងស្រុង៖
