(បន្ទាយមានជ័យ)៖ ថ្ងៃសៅរ៍១៤កើតខែពិសាខ ឆ្នាំច សំរឹទ្ធិស័ក ព.ស ២៥៦១ ត្រូវនឹងថ្ងៃទី២៨ ខែមេសា ឆ្នាំ២០១៨ នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងប្រតិភូថ្នាក់ជាតិ និងថ្នាក់ក្រោមជាតិព្រមទាំងភ្ញៀវជាតិ ភ្ញៀវ អន្តរជាតិបានអញ្ជើញចូលរួមក្នុងពិធីសម្ពោធសមាគមចិនកម្ពុជា នៅក្នុងគេហដ្ឋានសមាគមចិន-កម្ពុជា ក្រុងប៉ោយប៉ែត។
ក្នុងឱកាសនោះ នាយឧត្តមសេនីយ៍ កែ គឹមយ៉ាន បានមានមតិសំណេះសំណាលជាមួយសមាជិកសមាគមចិន និងបានពាំនាំប្រសាសន៍ផ្ដាំផ្ញើ ពីសំណាក់សម្ដេចតេជោ ហ៊ុន សែន នាយករដ្ឋមន្រ្តី នៃកម្ពុជាព្រមទាំងថ្លែងអំណរគុណដល់ងមន្ត្រីរាជការ និងប្រជាពលរដ្ឋក្រុងប៉ោយប៉ែត ដែលបានរួមគ្នាថែរក្សាសន្តិភាព និងធ្វើការអភិវឌ្ឍមូលដ្ឋានក្រុងប៉ោយប៉ែតឲ្យមានការរីកចម្រើន និងមានសណ្តាប់ធ្នាប់អនាម័យបរិស្ថានល្អ។
ក្នុងឱកាសនោះដែរ នាយឧត្តមសេនីយ៍ កែ គឹមយ៉ាន បានមានមតិលើកសរសើរដល់សមាគមចិន-កម្ពុជា ដែលបានចូលរួមចំណែកជាមួយប្រជាពលរដ្ឋ និងអាជ្ញាធរកម្ពុជាធ្វើការអភិវឌ្ឍក្រុងប៉ោយប៉ែត ឲ្យមានការរីកចម្រើន តាមគោលនយោបាយរាជរដ្ឋាភិបាល ដែលមានសម្តេចតេជោហ៊ុន សែន ជាប្រមុខដឹកនាំ។ ទន្ទឹមនឹងនេះនាយឧត្តមសេនីយ៍ បានជូនពរដល់សមាគមចិន-កម្ពុជាប៉ោយប៉ែត ទទួលបានដៃគូអ្នកវិនិយោគទុនកាន់តែច្រើនថែមទៀតដើម្បីជួយអភិវឌ្ឍន៍ក្រុងប៉ោយប៉ែតឱ្យជឿនលឿនដូចនៅក្រុងព្រះសីហនុផងដែរ ។
ក្នុងពិធីនោះមានបំពាក់គ្រឿងឥស្សរិយយសព្រមទាំងប្រគល់បណ្ណ័សរសើរ ជូនដល់បុគ្គលដែលមានស្នាដៃចូលរួមកសាងជាតិនិងកាត់ខ្សែបូសម្ភោធសមាគមនិងពិសារបាយសាមគ្គីជាមួយគ្នាយ៉ាងសប្បាយរីករាយស្និតស្នាលក្រៃលែង៕
