(ភ្នំពេញ)៖ បន្ទាប់ពីបង្កើតជារូបរាងហើយនោះ ពេលនេះមូលនិធិគន្ធបុប្ផា ដែលបង្កើតឡើងដោយ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត បានទទួលថវិកាជិត ៤លានដុល្លារហើយ។ ថវិកាទាំងនោះ ទទួលបានពីការចូលរួមរបស់ស្ថាបនិក សហស្ថានិក សមាជិក អ្នកគាំទ្រ និងសប្បុរសជននានា។

បើតាមតារាងថវិកា ដែលបណ្តាញព័ត៌មាន Fresh News ទទួលបាន នៅថ្ងៃទី២៧ ខែមេសា ឆ្នាំ២០១៨នេះ បានឱ្យដឹងថា ក្នុងចំណោមថវិកាទាំងជិត៤លានដុល្លារនោះគឺថវិកាមួយភាគធំ ស្មើនឹង ១,៥លាន បានមកពីសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត រួមទាំងកាកបាទក្រហមកម្ពុជា។ ក្រៅពីនោះបានមកពីមន្រ្តី សេដ្ឋី រួមទាំងសប្បុរសជនផ្សេងៗទៀត។

សូមបញ្ជាក់ថា មូលនិធិគន្ធបុប្ផាកម្ពុជា ត្រូវបានប្រកាសដាក់ឱ្យដំណើរការជាផ្លូវការ នៅថ្ងៃទី១១ ខែមេសា ឆ្នាំ២០១៨ ដោយសម្ដេចតេជោ​ ហ៊ុន សែន នាយករដ្ឋមន្ដ្រីនៃកម្ពុជា។ មូលនិធីនេះ មានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន និងមានសម្តេចតេជោ ហ៊ុន សែន ជាប្រធានកិត្តិយស។

មូលនិធិគន្ធបុប្ផាកម្ពុជា ក៏មានថវិកាទ្រទ្រង់ដំណាក់កាលដំបូងជាង ១១លានដុល្លារអាមេរិកផងដែរ។

ការបង្កើត មូលនិធិគន្ធបុប្ផានេះ ធ្វើឡើងដើម្បីប្រមូលថវិកាជួយដល់មន្ទីរពេទ្យគន្ធបុប្ផា បន្ទាប់ពីប្រធានមន្ទីរពេទ្យនេះគឺ លោក ប៊ិត រចនឺ កាន់តែអស់លទ្ធភាពបន្តិចម្តងៗ ក្នុងការស្វែងរកជំនួយឧបត្ថម្ភពីក្រៅប្រទេស៕

ខាងក្រោមនេះជាបញ្ជីឈ្មោះ ស្ថាបនិក និងអ្នកចូលរួមផ្តល់ថវិកាសម្រាប់មូលនិធិគន្ធបុប្ផា៖