(ភ្នំពេញ)៖ នៅព្រឹកថ្ងៃទី២៣ ខែមេសា ឆ្នាំ២០១៨នេះ ព្រះករុណា ព្រះបាទ សម្ដេច ព្រះបរមនាថ នរោត្ដម សីហមុនី ព្រះមហាក្សត្រ នៃកម្ពុជា បានយាងជាអធិបតីភាពដ៏ខ្ពង់ខ្ពស់បំផុត បើកសម័យប្រជុំដំបូងនីតិកាលទី៤ ព្រឹទ្ធសភា។
នៅក្នុងសម័យប្រជុំដំបូងនីតិកាលទី៤ នៃព្រឹទ្ធសភា ខាងលើនេះ អង្គព្រះមហាក្សត្រ បានមានព្រះរាជបន្ទូលទៅកាន់សម័យប្រជុំ ដោយសម្តែង នៃក្តីអំណរសាទរដ៏កក្តៅ ថ្វាយនិងជូនសមាជិក សមាជិកា ព្រឹទ្ធសភាទី៤ ដែលពិតជារួបរួមសាមគ្គីភាពគ្នា ដើម្បីបំពេញនូវតួនាទី ក្នុងស្ថាប័ននីតិបញ្ញាតិកំពូល នៃព្រះរាជាណាចក្រកម្ពុជា ធ្វើឱ្យអំណាចរដ្ឋមានតុល្យភាព និងប្រព្រឹត្តិបានល្អប្រសើរ សំដៅការពារមូលដ្ឋានគ្រឹះ នៃរដ្ឋធម្មនុញ និងគោលការណ៍ នៃលទ្ធិប្រជាធិបតេយ្យ សេរីពហុបក្ស ព្រមទាំងសិទ្ធិសេរីភាព និងផលប្រយោជន៍ស្របច្បាប់របស់ប្រជាពលរដ្ឋគ្រប់ជ្ឈដ្ឋាន។
សូមបញ្ជាក់ថា ការបើកសម័យប្រជុំលើកដំបូង ក្រោមអធិបតីភាពដ៏ខ្ពង់ខ្ពស់បំផុតរបស់ព្រះមហាក្សត្រ នៃកម្ពុជា ក៏មានការចូលរួមពីឥស្សរជនកំពូលៗ របស់កម្ពុជារួមមាន៖ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា, សម្តេចពញាចក្រី ហេង សំរិន ប្រធានរដ្ឋសភា, សម្តេចក្រឡាហោម ស ខេង រដ្ឋមន្រ្តីក្រសួងមហាផ្ទៃ ព្រមទាំងមន្រ្តីជាន់ខ្ពស់ និងអង្គទូតនាផងដែរ។
សូមអានខ្លឹមសារលម្អិត នៅក្នុងព្រះរាជសាររបស់ព្រះមហាក្សត្រខាងក្រោមនេះ៖
