(ភ្នំពេញ)៖ យ៉ាងហោចណាស់មានមនុស្ស១៥នាក់បានស្លាប់ និង៣៥នាក់រងរបួសធ្ងន់ស្រាល ក្នុងគ្រោះថ្នាក់ចរាចរណ៍ទូទាំងប្រទេសថ្ងៃទី១៧ ខែមេសាម្សិលមិញ។ នេះបើតាមរបាយការណ៍ របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។
របាយការណ៍បញ្ជាក់ថា គ្រោះថ្នាក់ចរាចរណ៍ទាំង២១លើក បណ្តាលឲ្យខូចខាតម៉ូតូ២៤គ្រឿង រថយន្តតូច១១គ្រឿង ហើយមូលហេតុដែលនាំឲ្យកើតគ្រោះថ្នាក់ចរាចរណ៍រួមមាន បើកល្មើសល្បឿន៦លើក មិនគោរពសិទ្ធិ៣លើក ប្រជែង២លើក បត់គ្រោះថ្នាក់២លើក ស្រវឹង២លើក មិនប្រកាន់ស្តាំ៥លើក និងងងុយដេក១លើក៕
