(បាត់ដំបង)៖ នៅថ្ងៃអាទិត្យ ១កើត​ ខែពិសាទ​ ឆ្នាំច សំរឹទិ្ធស័ក​ ព.ស​ ២៥៦២ ត្រូវនឹងថ្ងៃទី១៥​ ​ខែមេសា​ ឆ្នាំ២០១៨​នេះ ដែលជាថ្ងៃចូលឆ្នាំ ចំថ្ងៃទី២ ​មជ្ឈមណ្ឌលកម្ចាត់មីនកម្ពុជា ហៅកាត់ថា ស៊ីម៉ាក់ បានរកឃើញគ្រាប់បែកទម្លាក់ពីលើយន្តហោះ ប្រភេទ MK81 មួយគ្រាប់ និងបានយកចេញរួចរាល់ផងដែរ នៅស្រុករុក្ខគីរី​ ខេត្តបាត់ដំបង។

លោក ហេង រតនា អគ្គនាយកសុីមម៉ាក់ បានឲ្យដឹងថា «ថ្ងៃទី១៥​ ​ខែមេសា​ ឆ្នាំ២០១៨​នេះ នៅស្រុករុក្ខគីរី​ ខេត្តបាត់ដំបង​ បានទទួលកូនពៅ គ្រួសារគ្រាប់បែក MK គឺប្រភេទMK81! ក្រុមប្រចាំការអន្តរាគមន៍ បានយកចេញស្អាត»។

អគ្គនាយកស៉ីម៉ាក់រូបនេះ បានបន្ថែមទៀតថា «កម្ពុជា ត្រូវការសំឡេងសប្បាយហ៊ោកញ្រ្ចៀវ មិនត្រូវការសំឡេងគ្រាប់បែកនោះទេ! ថារង់ចាំចូលឆ្នាំហើយ​ ​ទើបឆ្លើយតប តែដោយសារទេវតាឆ្នាំថ្មីដាក់បញ្ជាថា​ ត្រូវតែធានាសុខសុវតិ្ថភាព និងលុបបំបាត់ការភ័យខ្លាច»៕