(ភ្នំពេញ)៖ ប្រាសាក់ ជាស្ថាប័នមួយស្ថិតក្នុងចំណោមស្ថាប័នហិរញ្ញវត្ថុ លំដាប់កំពូលចំនួន​ ៥នៅកម្ពុជា ដែលសម្រេចបានសមិទ្ធផលដ៏ល្អមួយទៀត គឺទទួលបានសមតុល្យប្រាក់បញ្ញើសន្សំច្រើនជាង ១,០០០​ លានដុល្លារអាមេរិក។

ប្រាសាក់ បានចាប់ផ្ដើមធ្វើប្រតិបត្តិការដំបូងនៅក្នុងឆ្នាំ​ ១៩៩៥​ ហើយបានទទួលអាជ្ញាប័ណ្ណប្រកបអាជីវកម្មជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីធនាគារជាតិ​ នៃកម្ពុជាក្នុងឆ្នាំ​ ២០១០។

ក្នុងរយៈពេលជិត៨ឆ្នាំ នៃការផ្ដល់សេវាប្រាក់បញ្ញើសន្សំជូនដល់អតិថិជន ប្រាសាក់ទទួលបានទំនុកចិត្តពីអតិថិជន និងសាធារណជនយ៉ាងខ្លាំង ដោយទទួលបានសមតុល្យប្រាក់បញ្ញើសន្សំគួរឲ្យកត់សម្គាល់។ សមិទ្ធផលនេះស្តែងចេញពីកត្តាជាច្រើនដូចជា៖ i) បទបញ្ញត្តិដ៏រឹងមាំនៃប្រព័ន្ធធនាគារនិងហិរញ្ញវត្ថុ ii) ទំនុកចិត្តរបស់សាធារណជនក្នុងវិស័យធនាគារ iii) ភាពសម្បូរបែបនៃសេវាបញ្ញើសន្សំរបស់ប្រាសាក់ iv) ការបម្រើសេវារបស់ប្រាសាក់ដែលមានវិសាលភាពធំទូលំទូលាយ តាមរយៈ បណ្ដាញសាខា ម៉ាស៊ីនអេធីអឹមទូទាំងប្រទេស សេវាធនាគារចល័ត និងប្រព័ន្ធធនាគារស្នូលដ៏ទំនើប v) ការប្តេជ្ញាចិត្តខ្ពស់របស់បុគ្គលិកប្រាសាក់ជាង​ ៧,០០០នាក់ ក្នុងការផ្តល់សេវាល្អប្រសើរជូនអតិថិជន។

បច្ចុប្បន្ននេះ ប្រាសាក់ ផ្ដល់ជូននូវសេវាសន្សំច្រើនបែប រួមមាន គណនីសន្សំ គណនីសន្សំចម្រើនគ្មានកាលកំណត់ គណនីសន្សំតាមផែនការ គណនីកូនចម្រើន គណនីចម្រើនតាមលំដាប់ គណនីបញ្ញើមានកាលកំណត់ និងគណនីមូលនិធិសោធននិវត្តន៍។ គណនីបញ្ញើមានកាលកំណត់ ត្រូវបានអភិវឌ្ឍឡើងដើម្បីបំពេញតម្រូវការរបស់អតិថិជនដែលមានទុននៅទំនេរសម្រាប់វិនិយោគ ឬ រក្សាទុកក្នុងរយៈពេលមួយកំណត់ជាក់លាក់។ រយៈពេលនៃគណនីបញ្ញើមានកាលកំណត់ គឺចាប់ពី ១ខែ រហូតដល់ ៣៦ខែ ដោយទទួលបានអត្រាការប្រាក់ខ្ពស់រហូតដល់ ៨% ក្នុងមួយឆ្នាំ។

លោក សាយ សូនី នាយកប្រតិបត្តិគ្រប់គ្រងទីផ្សារនៃគ្រឹះស្ថានមីក្រូហិរញ្ញវត្ថុ បានមានប្រសាសន៍ថា «យើងខ្ញុំពិតជាមានសេចក្តីមោទនភាពណាស់ដែលប្រាក់បញ្ញើសន្សំនៅប្រាសាក់កើនឡើងយ៉ាងខ្លាំងដូច្នេះ។ ហើយយើងខ្ញុំនៅតែបន្តការងាររបស់យើងខ្ញុំ ឲ្យកាន់ តែខ្លាំងក្លាថែមទៀតក្នុងការបម្រើសេវាដ៏ល្អជូនចំពោះអតិថិជន ដើម្បីឲ្យសមនឹងការគាំទ្ររបស់ពួកគាត់» ។

លោក សាយ សូនី បានឲ្យដឹងថា៖ «ការប្រើប្រាស់សេវាប្រាក់បញ្ញើសន្សំនៅប្រាសាក់ ទទួលបានទាំងអត្រាការប្រាក់ខ្ពស់ សុវត្ថិភាព​ និងចូលរួមផ្តល់ឱកាសដល់កសិករជនបទ និងម្ចាស់អាជីវកម្មប្រមាណជាជិត ៤០០ពាន់នាក់ ក្នុងការចាប់ផ្តើម និងពង្រីកអាជីវកម្មរបស់ខ្លួន។​ ក្រៅពីនេះផងដែរ អតិថិជនប្រាសាក់ទាំងអស់ ក៏បានចូលរួមជាមួយប្រាសាក់ក្នុងការផ្តល់អគារបណ្ណាល័យចំនួន ២៥ខ្នងដល់សាលារៀននៅតាមតំបន់ជនបទ»។

លោក សូនី បន្ថែមទៀតថា «តាងនាមឲ្យគ្រឹះស្ថានមីក្រូហិរញ្ញវត្ថុប្រាសាក់ ខ្ញុំសូមថ្លែងនូវអំណរគុណយ៉ាងស្មោះអស់ពីដួងចិត្ត ចំពោះលោក លោកស្រីជា ក្រុមប្រឹក្សាភិបាល ថ្នាក់ដឹកនាំ និងបុគ្គលិកទាំងអស់ ដែលបានខិតខំប្រឹងប្រែង យកចិត្តទុកដាក់ អស់ពីកំលាំងកាយ កំលាំងចិត្ត ប្រាជ្ញាស្មារតី ក្នុងការចូលរួមចំណែកយ៉ាងសកម្ម ដើម្បីទប់ទល់នឹងបញ្ហាប្រឈមនានា និងបានធ្វើឲ្យក្រុមហ៊ុនមានការរីកចម្រើនជាលំដាប់ និងឈានមុខគេក្នុងប្រទេសកម្ពុជា។ ជាងនេះទៅទៀតសូមថ្លែងអំណរគុណយ៉ាងជ្រាលជ្រៅ ចំពោះរាជរដ្ឋាភិបាលកម្ពុជា និយ័តករ ធនាគារជាតិនៃកម្ពុជា អាជ្ញាធរមូលដ្ឋាន និងអតិថិជនទាំងអស់ ដែលតែងតែគាំទ្រ និងប្រើប្រាស់សេវារបស់ប្រាសាក់។​

ជាថ្មីម្តងទៀត ជំនួសមុខឲ្យគណៈគ្រប់គ្រងប្រាសាក់ លោក សាយ សូនី ក៏សូមសម្តែងនូវអំណរគុណយ៉ាងជ្រាលជ្រៅចំពោះធនាគារជាតិនៃកម្ពុជា ដែលបានផ្តល់ អាជ្ញាប័ណ្ណជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីសាធារណជន ដល់គ្រឹះស្ថានមីក្រូហិរញ្ញវត្ថុ ប្រាសាក់ ដើម្បីផ្តល់សេវាប្រាក់បញ្ញើសន្សំជូនដល់អតិថិជនគោលដៅរបស់ខ្លួន។

ឆ្លៀតក្នុងឱកាសដ៏ថ្លៃថ្លានេះ ខ្ញុំសូមបួងសួងដល់ទេវតាឆ្នាំថ្មី ព្រះនាម “មហោទរាទេវី” គុណបុណ្យព្រះរតនៈត្រៃយ៍ គុណកែវទាំងបី និងវត្ថុសក្តិសិទ្ធិក្នុងលោក សូមជួយប្រោសប្រទានពរជ័យ បីបាច់ថែរក្សាដល់អតិថិជន សាធារណជន និងអាជ្ញាគ្រប់លំដាប់ថ្នាក់ និងក្រុមគ្រួសារ ទាំងអស់ប្រកបនូវពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

ចំណុចទាំង ៧ ក្នុងការស្វែងយល់ពីប្រាសាក់ និងសេវាប្រាក់បញ្ញើសន្សំរបស់ប្រាសាក់៖

១៖​ ប្រាសាក់ទទួលបានអាជ្ញាប័ណ្ណប្រកបអាជីវកម្មជាគ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីធនាគារជាតិនៃកម្ពុជា។

២​៖ អត្រាការប្រាក់៖ គ្រប់អតិថិជនប្រាក់បញ្ញើអាចរីករាយជាមួយនឹងការទទួលបានអត្រាការប្រាក់បញ្ញើចាប់ពី ២% ដល់ ៧.៧៥% ដោយបូកបន្ថែមអត្រាការប្រាក់ ០.២៥% មានន័យថាអតិថិជនសេវាប្រាក់បញ្ញើសន្សំអាចទទួលបានអត្រាការប្រាក់រហូតដល់ ៨% ក្នុងមួយឆ្នាំ។

៣៖​ លក្ខខណ្ឌទទួលបានសេវា៖ ជាអតិជនដែលមានឯកសារបញ្ជាក់អត្តសញ្ញាណច្បាស់លាស់ មានអាយុចាប់ពី ១៦ឆ្នាំឡើងទៅ។ អតិថិជនត្រូវមានចំណូលស្របច្បាប់ មិន​ជាប់ទោស​ឧក្រិដ្ឋ ឬ បទល្មើស​ផ្សេងៗ។ អតិថិជនជាឯកត្តជន ឬ ជាគ្រឹះស្ថាននានា សុទ្ធតែអាចប្រើប្រាស់ប្រាក់បញ្ញើសន្សំរបស់ប្រាសាក់បាន។

៤​ ៖​ ទឹកប្រាក់ដាក់លើកដំបូង ពេលបើកគណនីអាចចាប់ពី ៥ដុល្លារអាមេរិក ដល់ ៥០០​ ដុល្លារអាមេរិក ឬ សមមូលនឹងប្រាក់រៀល និងបាត​ ទៅតាមប្រភេទគណនីនីមួយៗ។

៥​៖ ប្រតិបត្តិការធនាគារ៖ អតិថិជនអាចធ្វើប្រតិបត្តិការធនាគារតាមរយៈការិយាល័យ ម៉ាស៊ីនអេធីអឹម ម៉ាស៊ីតឆូតកាត សេវាធនគារចល័តប្រាសាក់។

៦​៖ អតិថិជនចំណេញពេលវេលា ដោយអាចទូទាត់វិក្កយបត្រទឹក ភ្លើង តាមរយៈម៉ាស៊ីនអេធីអឹម ម៉ាស៊ីនឆូតកាត និងសេវាធនាគារចល័ត។

សម្រាប់ព័ត៌មានបន្ថែម អតិថិជនអាចទាក់ទងមកកាន់លេខ៖ 086 999 911 ឬ 023 999 911៕